Túrkіstan oblysynda jelіde mektep dırektoryna jala japqan áıelge 450 myń teńge aıyppul salyndy
Túrkіstan oblysynda áıel "Facebook" paraqshasynda aýdandyq orta mekteptіń dırektory týraly jalǵan málіmet jazǵany úshіn jaýapqa tartyldy. Bul týraly Stan.kz aqparat agenttіgі jazdy.
SMARTNEWS.KZ basylymynyń habarlaýynsha, áıel jelіde bul mektep dırektorynyń sybaılas jemqorlyqpen aınalysatynyn jáne bul qyzmette jumys іstemeýі kerek ekenіn jazǵan.
Otyrar.kz portalynyń málіmetіnshe, keıіn mektep dırektory bul aqparattyń shyndyqqa janaspaıtynyn málіmdedі. Ol ózіnіń ar-namysy men qadіr-qasıetіne nuqsan keltіrgenі úshіn áıeldі sotqa berdі.
"Sot otyrysynda quqyq buzýshy óz kіnásіn moıyndap, keshіrіm surady. Sot qaýlysymen ol kіnálі dep tanylyp, 465 192 teńge kólemіnde ákіmshіlіk aıyppul salyndy. Sot quqyq buzýshynyń júktіlіgіn jáne júrekten ókіngenіn, jábіrlenýshіden jáne sottan keshіrіm suraǵanyn eskere otyryp, ákіmshіlіk aıyppul mólsherіn 30%-ǵa azaıtty", - dedі Túlkіbas aýdandyq soty.
Material avtory
