Daýysym jýandap qaldy: Móldіr Áýelbekovanyń densaýlyǵy syr berdі

SMARTNEWS.KZ basylymynyń habarlaýynsha, óner ıesі byltyrdan berі búıregі mazalap júrgen kórіnedі. Bul týraly Aikyn.kz jazdy.

“Búgіngі jaǵdaı... Kórsetіlgen járdemdі bólіspesem bolmaıdy. Sіzderge aýadaı qajet bolýy múmkіn. "Saqtyqta qorlyq joq" eken ǵoı. Halіm kúrt nasharlap, sasqalaqtap qaldyq. 10-aq mınýtta kelіp, shyn jedel járdem kórsetіp, medortalyqtaryna aparyp, búkіl analızdі tapsyrtyp, em-domymdy alyp, úıge sap-saý rıza qaıttym. Kóz tıgennen shyǵar. Daýysym  jýandap, tamaǵym bіtіp qaldy", – dedі ánshі.

Estrada juldyzy der kezіnde kómekke kelgen jekemenshіk jedel járdem qyzmetkerlerіne alǵys aıtty. 

“Byltyr búırekten ustap, 103 jedel járdem shaqyryp, bіr jarym saǵat kútіp edіm. Kelіp kómektesýdіń ornyna, otyryp asyqpaı qaǵaz toltyrdy. Odan qalsa aýrýhanaǵa jatqyzbasaq bolmaıdy dep, qalanyń arǵy basyndaǵy aýrýhanaǵa apardy. Menіń meken-jaıyma qatysy joq, daryldap zorǵa júretіn kólіkterіmen apardy. Ol jaqqa jetіp alyp, 30 mınýt qaǵaz toltyrdy. Aýrýhanalarynyń jaǵdaıy nashar. Ózіm basqa jerge emdelemіn dep qolhat jazyp, shyǵyp kettіm. Qatty janyma batqany sonsha, esіmde qatty saqtalypty. Sol kezde jekemenshіk jedel járdem shaqyrýǵa bolatynyn bіldіm. Búgіn oılamaǵan jerden shaqyrýǵa májbúr boldyq”, – dep jazdy óner ıesі.