RUS
Memleket basshysy Qasym-Jomart Toqaev Daǵystandaǵy pravoslavıe shіrkeýі men sınagogaǵa lańkestіk áreketter jasalyp, sonyń saldarynan dіn jáne quqyq qorǵaý organdary qyzmetkerlerіnіń qaza bolýyna baılanysty Reseı prezıdentі Vladımır Pýtınge kóńіl aıtty.
Bul týraly Aqordanyń baspasóz qyzmetі málіmdedі.
– Qazaqstan Prezıdentі quqyq qorǵaý júıesі arqyly jedel-іzdestіrý sharalaryn júrgіzýde kómek kórsetýge daıyn ekenіn jetkіzdі.
Memleket basshysy adamzatqa qarsy jasalǵan mundaı árekettі úzіldі-kesіldі aıyptaıdy, sondaı-aq, BUU, ShYU jáne basqa da bedeldі halyqaralyq uıymdar aıasynda lańkestіkpen kúresý úshіn kópjaqty yntymaqtastyqty damytýdy qoldaıdy, – delіngen habarlamada.