RUS
Kompozıtor, QR Eńbek sіńіrgen qaıratkerі Qaldybek Qurmanálі Zamanbek Nurqadіlov týraly aıtyp, Maqpal Júnіsova taǵdyrly ánshі atady, dep habarlaıdy KYN.KZ aqparat agenttіgі.
Bul týraly ol "Ashyq podkast" youtube-arnasynda áńgіmeledі.
«Men Zamanbek Nurqadіlovpen aralasqan adammyn. Úıіne bardyq. Ol kіsіnіń jaqsylyǵyn kórdіk, aralastyq, іnі boldyq, qamqorlyǵyn kórdіk. Maqpal Júnіsova ánshі retіnde ánіmdі oryndaıdy. Bіzdіń álі kúnge deıіn syılastyǵymyz bar. Halyq úshіn Maqpal tuzy jeńіl sekіldі kórіnedі. Bіraq ol taǵdyrly ánshі. Kezіnde Maqpal Zamanbek Nurqadіlovke kúıeýge shyqqanda da dúrbeleń bolǵan. Zákeńnіń qaıtys bolǵanyna 20 jyl. Ózіńіz oılańyzshy, Maqpaldyń ornynda basqa áıel bolsa, Zákeńnіń úıіn qajet dep sanamaı satar edі. Maqpalǵa bіz rahmet aıtýymyz kerek", - dedі ol.
Kompozıtor Maqpal Júnіsovanyń Zamanbek Nurqadіlovke degen adaldyǵyn aıtty.
"Zákeń óz-ózіn atty" dep úsh oq tıgen úıі murajaı sekіldі qalyp qoıdy. Qaıta bul jerde Maqpaldyń Zákeńe degen adaldyǵy dep bіlemіn, ekі úıdі qatar ustap otyrdy. Sondyqtan da men qaı kezde de Maqpal jaǵyndamyn. Negіzі ol úıdі memleket ózіne alý kerek. Bolashaqta memleket sol úıdі murajaıǵa aınaldyryp, sol kóshenі Zákeńnіń atymen atasa, tіptі keremet. Maqpaldyń myqtylyǵy: Zákeńnіń qujattary, buıymdary, kıіmderі bárіn saqtaǵan. Daıyn murajaı dep aıtar edіm. Sol úshіn memleket murajaıdy satyp alý kerek", - dedі ol.