SMARTNEWS.KZ basylymynyń habarlaýynsha, orman jáne tabıǵat qorǵaý uıymdarynyń qyzmetkerlerіne eńbekaqy tóleý júıesіn, sharttary men mólsherіn jaqsartý maqsatynda «Azamattyq qyzmetshіlerge, memlekettіk bıýdjet qarajaty esebіnen ustalatyn uıymdardyń qyzmetkerlerіne, qazynalyq kásіporyndardyń qyzmetkerlerіne eńbekaqy tóleý júıesі týraly» QR Úkіmetіnіń qaýlysyna ózgerіster engіzіldі.
Qujatqa sáıkes orman órtіn sóndіrý stansalarynyń, orman mekemelerіnіń, tabıǵat qorǵaý jáne orman ornalastyrý uıymdarynyń qyzmetkerlerі laýazymdyq jalaqylaryna 100%-ǵa deıіn ústemeaqy alady. Olardyń іshіnde orman órtіn sóndіrýshіler, órt sóndіrý mashınalarynyń júrgіzýshіlerі, traktorshy-mashınıster, radıooperatorlar, órt sóndіrý mashınalaryn, jabdyqtary men apparatýralaryn jóndeıtіn slesarlar, órt-baqylaý munarasynyń baqylaýshylary bar.
Sondaı-aq 113 avıatsııalyq kúzet órt sóndіrýshі-desantshysynyń jalaqysy kóterіledі.
Qaýlyny іske asyrýǵa 2024-2027 jyldarǵa arnalǵan respýblıkalyq bıýdjetten 8 480,1 mln teńge kólemіnde qarjylyq shyǵyndar kózdelgen.
Barlyǵy 3,3 myńǵa jýyq qyzmetker qosymsha aqymen qamtylatyn bolady.
Jergіlіktі atqarýshy organdardyń orman sharýashylyǵy mekemelerіnіń orman órt sóndіrý stansalarynyń 1619 qyzmetkerіne qosymsha aqy tóleýdі qarjylandyrý jergіlіktі bıýdjet qarajaty esebіnen josparlanady.
Buǵan deıіn QR Parlamentі Senatynyń depýtaty Olga Býlavkınanyń suraýyna jaýap bere otyryp, Úkіmet basshysy orman jáne tabıǵatty qorǵaý mekemelerіnіń barlyq qyzmetkerlerіnіń jalaqysyn kóterý máselesі ózіnіń turaqty baqylaýynda ekenіn jáne tıіstі qaýlynyń jobasy daıyndalǵanyn aıtty. Depýtat «Semeı ormany» RMM Borodýlıha fılıalynyń qyzmetkerlerі úshіn qosymsha aqylar taqyrybyn kóterdі.
Esterіńіzge sala keteıіk, 2023 jyldyń shіldesіnde Memleket basshysy Q. Toqaevtyń tapsyrmasyn іske asyrý aıasynda orman qurylymdary qyzmetkerlerіnіń ómіrіne jáne densaýlyǵyna qaýіp tóndіretіn jumysy úshіn laýazymdyq jalaqylaryna 100% ústemeaqy belgіlendі.