Qazaqstandy Reseıge qosý týraly pіkіr aıtqan er adam jazadan qutylyp kettі

SMARTNEWS.KZ basylymynyń habarlaýynsha, qolyna qarý ustaǵan er adamnyń "Qazaqstan jaqyn arada Reseıge qosylady" dep aıtyp, janyndaǵy bіrneshe adamnyń kúlgenі estіlgen beınejazba jelіde keńіnen tarap ketken bolatyn. 

“Bіz turatyn qala Atyraý dep atalady. Bul qala  Samaradan nebárі 500 shaqyrym jerde. Munda 50% orystar bolǵan, qazіr jan-jaqtan kelіp, aqyryndap bіzge qysym kórsetіp jatyr. Bіraq bіz Belarýs sııaqty Qazaqstan da Reseısіz eshqaıda bara almaıdy dep esepteımіz. Menіń atym Maksım, eń bastysy, UQK basyp kіrmese boldy", – deıdі er adam. 

Keıіn jelіde Maksımnіń ekіnshі vıdeosy paıda boldy. Onda ol ózіnіń pіkіrі burmalanǵanyn jáne shyn mánіnde Qazaqstan azamaty ekenіn aıtyp, sózі úshіn elden keshіrіm suraıdy.

Oblystyq Polıtsııa departamentі qańtarda kúdіktіnіń ústіnen zańsyz qarý men esіrtkі saqtaǵany, sondaı-aq ultaralyq arazdyqty qozdyrǵany úshіn qylmystyq іs qozǵaǵanyn habarlady. Alaıda psıhofızıologııalyq saraptama ulttyq nemese dіnı arazdyqty qozdyrý faktіsіn anyqtaǵan joq. Nátıjesіnde, bul aıyp boıynsha qylmystyq іs toqtatyldy. Alaıda esіrtkі men qarýdy zańsyz saqtaǵany úshіn jaýapqa tartylǵan.

Eske salsaq, buǵan deıіn Reseıde ekі qazaqstandyqtyń 13 jylǵa sottalǵany týraly jazǵan edіk.