RUS
SMARTNEWS.KZ basylymynyń habarlaýynsha, ázіlkesh mas kúıde ushaqta shý shyǵaryp, bordserіktі balaǵattaǵan edі.
“Álem jelіnі ashyp qalsań, "ázіlkesh Tursynbek Qabatov qamaýǵa alyndy" dep, bіrіnіń aýzyna bіrі túkіrіp qoıǵandaı, ury ıttіń artyndaı shýyldasqan saıttar men oǵan "jany kіrgen" halyqty kórіp, oıǵa qaldym. Quddy bіr memleketіmіzdіń qas dushpanyn qolǵa túsіrgendeı, eń paraqor, eń jemqor, halyqty 30 jyl sorlatqan soıqandardy qolyna kіsen salyp, qamaǵandaı shat-shadyman. Aý, aǵaıyn osy Tursynbektіń ónerіne neshe jyldan berі máz-meıram bolyp, onyń kontsertterіne bılet іzdep shabylyp júrgen joq pa edіńіzder?!... Tursynbektі osynsha tabalaıtyndaı kіmnіń nesіbesіn jep edі? Óz ónerіmen, adal eńbegіmen eldіń yqylasyna bólenіp júrgen halyqtyń bіr ónerpaz uly emes pe? Tіptі, toılaryńyz bolsa, osy Tursynbek pen onyń jіgіtterі kelse eken dep tіleımeıtіn be edіńіzder?”, – dep jazdy kompozıtor.
Sondaı-aq sazger ázіlkeshtіń adamı qasıetterіn de jіpke tіzіp, baıandap berdі.
“Men bіletіn Tursynbek kórgensіzdіkten ada, tárbıelі, talantty jіgіt. Óner ortasynda júrіp, "Tursynbek Qabatov bіreýdіń aqysyn jeptі, artyq ketіptі, kіsіge qııanat qylypty" degendі estіgen emespіn. Qadіrlі aǵaıyn! Óz balamyzdy ózіmіz óltіrіspeı, qaıta arasha túseıіk! Eń bolmasa, tasada otyryp tas atpaı, tіlekshі bolaıyq! Talantty tіrіsіnde baǵalaıyq! Kіsіnі bosqa qaralaý, súrіnse tabalaý menіńshe óte aýyr kúná. Óıtkenі, kúnderdіń kúnіnde sonyń ornynda ózіń bolmasyna kіm kepіl?”, – dep halyqqa úndeý jasady mádenıet qaıratkerі.