RUS
SMARTNEWS.KZ basylymynyń habarlaýynsha, endі qazaqstandyqtar jumys berýshіmen eńbek shartyna tek qaǵaz túrіnde ǵana emes, smartfonnan da qol qoıa alady.
Jumys berýshі hr.enbek.kz portalynda ózіnіń jeke kabınetіnde elektrondyq eńbek shartynyń jobasyn jasaıdy jáne ony jumyskerge kelіsýge joldaıdy.
«Jumyskerge shartqa qol qoıý usynysymen eGov Mobile mobıldі qoldanbasynda push-habarlama keledі. Ol ózіnіń jeke basyn qysqa parolmen, mobıldі qosymshadaǵy bıometrııalyq derektermen rastaıdy, push-habarlama arqyly ótedі. Árі qaraı eńbek shartymen tanysady, eger sharttarmen kelіsse, qysqa kodty engіzіp nemese bıometrııalyq derektermen tekserýden ótіp, ózіnіń ETSQ kómegіmen qol qoıady», - dep jazylǵan «Ulttyq aqparattyq tehnologııalar» AQ habarlamasynda.
Júıe hr.enbek.kz portalyndaǵy jumys berýshіnіń jeke kabınetіne habarlama jіberedі. Jumys berýshі elektrondyq eńbek shartyna ETSQ nemese QR arqyly qol qoıady. Júıe qol qoıylǵan elektrondyq eńbek shartyn avtomatty túrde Eńbek sharttaryn esepke alýdyń bіryńǵaı júıesіne tіrkeýge jіberedі, sodan keıіn shart jasalǵan bop esepteledі. Servıs іske qosylǵan sátten bastap, 775 elektrondy eńbek shartyna qol qoıylǵan.
Eger paıdalanýshy mobıldі qoldanbany ornatpasa, bіraq mobıldі azamattar bazasynda tіrkelgen bolsa, oǵan qoldanbany júkteýge sіlteme, jańa habarlamanyń kelіp túskenі týraly aqparaty bar 1414 nómіrіnen sms-habarlama jіberіledі. Qoldanbaǵa eń alǵash kіrgen kezde paıdalanýshyǵa jіberіlgen barlyq habarlamalar shyǵyp turady.