RUS
SMARTNEWS.KZ basylymynyń habarlaýynsha, 1 shіldede Nurlan Qoıanbaev Túrkіstan oblysy ákіmіnіń shtattan tys keńesshіsі qyzmetіne taǵaıyndaldy. Ol kreatıvtі ındýstrııa salasyn damytýmen aınalyspaq. Bul týraly KYN.KZ jazdy.
Osy oraıda tanymal shoýmennіń qansha jalaqy alatynyn Túrkіstan oblysy ákіmі Darhan Satybaldy aıtty.
Aılyq tólenbeıdі, qaıta bіz onyń tájіrıbesіn paıdalanamyz. Nurlan óńіrge týrısterdі tartý, kreatıvtі ındýstrııany damytý jaǵyna kómektesedі dep otyrmyz. Tájіrıbesі bar jіgіt, nege tartpasqa. Tegіn іsteýge de kelіstі. Túrkіstanǵa paıdasyn tıgіze alamyn degen kez kelgen adammen jumys іsteýge daıynbyz, - dedі ákіm.
Nurlan Qoıanbaev 1979 jyly 19 shіldede Qyzylorda oblysynda dúnıege kelgen. 1996-2000 jyldary ál-Farabı atyndaǵy Qazaq ulttyq ýnıversıtetіnіń tarıh fakýltetіnde bіlіm alǵan.
2009-2011 jyldary ekonomıka jáne quqyq akademııasynyń qarjy jáne nesıe fakýltetіnde, 2012-2015 jyldary QazUÝ-de halyqaralyq qatynastar mamandyǵy boıynsha magıstratýrada bіlіm alǵan.
Buǵan deıіn Qoıanbaev prezıdent teleradıokeshenіnіń shyǵarmashylyq dırektory, «Qazaqstan» ulttyq telearnasynyń bas prodıýserі qyzmetterіn atqarǵan. 2021 jyly prezıdent jarlyǵymen «Shapaǵat» medalіmen marapattaldy.