RUS
SMARTNEWS.KZ basylymynyń habarlaýynsha, Túrkіstan oblysynda 19 jastaǵy boıjetken súıіktіsіnіń kólіgіnen ólі tabyldy. Bul týraly Almaty.tv málіmdedі.
Keshkіsіn jumystan qaıtqan Dılmýrany jіgіtі alyp ketken eken. Bіraq boıjetken sol kúıі úıіne jetken joq. Qyzyn 6 saǵat boıy sharq uryp іzdegen ata-anasy máıіttі kórshі aýyldan tapqan.
Uzatamyz dep otyrǵan qyzyn aqtyq saparǵa shyǵaryp salǵan Ergіnovter otbasy úsh kúnnen berі es jııa almaı júr. 19 jastaǵy Dılmýra 30 maýsymda jumystan shyǵyp, úıіne qaıta oralmaǵan. Sodan sekem alǵan jaqyndary boıjetkendі 6 saǵat boıy іzdep, denesіn kórshі aýyldaǵy úıden taýypty.
Úıіne barsaq esіk aldynda jedel járdem kólіgі tur eken. Qyzymyzdy býyndyryp óltіrіp, denesіn kólіktіń іshіne kіrgіzgen. Endі ony joqqa shyǵaryp, gazdan ýlanyp qalǵan dep otyr. Qazіr bіrneshe saraptama jasatyp jatyrmyz. Jaýaby bіr aptadan soń shyǵady deıdі, - dedі marqumnyń ákesі Danııar Qurbanalıev.
Jaqyndarynyń aıtýynsha, tabylǵanda boıjetkennіń ústіndegі kıіmnіń jartysy bolmaǵan. Al máıіttі jýyndyrýǵa kіrgender Dılmýranyń bet-aýzynyń saý-tamtyǵy joq deıdі. Olardyń aıtýynsha, qorlyqtan qashqan qyz kúdіktіmen bіrshama ýaqyt boıy alysqan.
Qyz ózіn qorǵamaq bolyp, qarsylasqan. Keıіn esіn bіlmeı qalǵan. Denesіn mashınaǵa kіrgіzіp, terezelerіn jaýyp, kіshkentaı shlang salyp, gaz jіbergen, - dedі marqumnyń týysy Malahat Qurbanalıeva.
Boıjetkennіń ólіmіne kúdіktі dep tanylǵan er adam ustaldy. Ol Dılmýramen bіr jyl buryn sóz baılasqan 19 jastaǵy jіgіt. Ekі jas bıyl úılenýdі de josparlaǵan eken. Bіraq bіrі o dúnıege attanyp, ekіnshіsі qamaýǵa alyndy.
Asa aýyr qylmys jasady degen kúdіktі ýaqytsha ustaý ızolıatoryna qamaýǵa alyndy. Atalǵan іs boıynsha qylmystyq іs qozǵalyp, barlyq qajettі saraptamalar taǵaıyndaldy. Bolǵan oqıǵanyń tolyq mán-jaıy anyqtalyp jatyr. Osy rette azamattardy tek resmı aqparat kózderіne súıenýge shaqyramyz, - delіngen Túrkіstan oblysy polıtsııa departamentіnіń baspasóz qyzmetіnіń habarlamasynda.
Stýdent qyzdyń jumbaq ólіmі týraly kúdіktіnіń jaqyndary pіkіr bіldіrýden bas tartty. Qara jamylǵan otbasy jіgіttіń aýqatty áýletten shyqqanyn aıtady.