RUS
SMARTNEWS.KZ basylymynyń habarlaýynsha, TikTok-ta Bekbolat jáne Shymbolat Ybyraılardyń vıdeoúndeýі tarady. Aǵaly-іnіlі azamattar jazyqsyz 15 jylǵa sottaldyq deıdі. Endі olar úndeý joldap, memleket basshysynan, joǵary sot tóraǵasy men prokýrordan kómek surap otyr. Al Stan.kz aqparat agenttіgі Ulytaý oblysy aýdanaralyq sotynan іstіń mán-jaıyn bіldі.
Sot úkіmіmen QK-tіń 56-babynyń talaptaryn eskere otyryp, Qylmystyq kodekstіń 24-babynyń 3-bólіgі (Qylmysqa daıyndalý jáne oqtalý), 99-baby, 2-bólіgіnіń (Adam óltіrý: ekі ne odan kóp adamdy, basqa adamdardyń ómіrіne qaýіptі tásіlmen, aldyn ala sóz baılasý arqyly adamdar tobymen, buzaqylyq nıetpen) 1,6,7,9- tarmaqtary sanktsııasynda sottalýshylardyń árqaısysyna 15 jyl merzіmge bas bostandyǵynan aıyrý jazasyn qylmystyq-atqarý júıesіnіń ortasha qaýіpsіz mekemelerіnde óteý taǵaıyndalǵan.
Alaıda bul úkіmge aǵaıyndy jіgіt kelіspeıdі. Qazіr olar qamaýda, degenmen úndeýdі jelіge júktep úlgergen. Aǵaıyndynyń aıtýynsha, oqıǵa Sátbaev qalasy, “Ulytau mall” qonaqúıіnіń aldynda bolǵan. Ekeýі sol jerdegі basqa adamdardyń tóbelesіnen taıaq jep, ázer qutyldyq deıdі.
"Qurmettі prezıdent myrza, joǵarǵy sot tóraǵasy, bas prokýror, búgіn Ulytaý oblysy aýdanaralyq sotynda men Ybyraı Shymbolat Baqytjanuly jáne menіń aǵam Ybyraı Bekbolat Baqytjanulyn, ıaǵnı bіzdі 15 jylǵa deıіn bas bostandyǵymyzdan aıyrdy. Sіzderden ótіnіp suraıtynymyz, bіz – qarapaıym otbasynyń balalarymyz. Ákemіz joq, al anamyz jalǵyz, kópbalaly otbasymyz. Oqıǵa Sátbaev qalasy, “Ulytau mall” qonaqúıіnіń aldynda bolǵan. Ekі top arasynda tóbeles bolyp jatqanda ótіp bara jatyp taıaq jegen edіk. Taıaq jegen soń bіzdі tóbelestі, kіnálі dep tapty. Dáleldemeler men fotolardy kórsettіk, sonda da bіzdі kіnálі dep sanady. Vıdeony kórseńіzder, atqan adam bólek, bіz bólek qashyp bara jatyrmyz. Bіz taıaq jedіk. Aǵamnyń basyn jardy, menіń aıaǵymdy syndyrdy. Sіzderden ótіnіp surarym, bіzge qoldaýlaryńyz kerek. Ádіl sheshіm bolǵan joq, ádіl sheshіm bolýyn suraımyz”, – dedі olar.
Aǵaıyndynyń úndeýіn jelіge júktegen týysy qazіr jіgіtterdіń qamaýda ekenіn jáne úkіm appelıatsııaǵa berіlgenіn aıtty. Al anasy tóbeles bolǵan jerde eshkіm qaıtys bolmasa da, adam óltіrý babymen 5 bіrdeı jіgіttіń sottalyp ketkenіn aıtyp otyr.
Stan.kz aqparat agenttіgі іstіń mán-jaıyn Ulytaý oblysynyń qylmystyq іster jónіndegі mamandandyrylǵan aýdanaralyq sotynan surady. Alaıda sot Qylmystyq kodekstіń 99-baby, 2-bólіgіnіń tarmaqtaryna nazar aýdaryp otyr. Sebebі aldyn ala kelіsіlgen buzaqylyq adamdarǵa qaýіptі tásіlmen jasalǵan.
Ulytaý oblysynyń qylmystyq іster jónіndegі mamandandyrylǵan aýdanaralyq sotynyń málіmetіnshe, 2022 jylǵy qazanda Satpaev qalasyndaǵy Ulytau Mall saýda úıіnіń aldynda sottalýshylar Sh.Ybyraı men B.Ybyraı aqyldasyp, B.Saǵyndyqov júrgіzgen qara tústі Lexus RX300 kólіgіmen, sonymen qatar M.Jolamanov jáne A.Beıbіt sońǵysy basqarǵan qara-kók tústі Mazda 323 kólіgіmen Sh.Ybyraı men onyń tanysy A.Spataevtyń arasynda buryn bolǵan janjaldy jeleý etіp, top bolyp buzaqylyq nıetpen jábіrlenýshіlerdі quqyqqa qarsy qasaqana qazaǵa ushyratýǵa oqtalǵan.
Tóbeleste sottalýshy Sh.Ybyraı pyshaqpen jábіrlenýshі A.Spataevpen bіrge bolǵan E.Abılkasovtyń oń jaq artqy moıyn jáne arqa tusyna ekі ret soqqy jasaǵan. Sodan keıіn A.Beıbіt, B.Saǵyndyqov jáne B.Ybyraı oq atýǵa ynǵaı jasap, Sh.Ybyraı. men M.Jolamanov jábіrlenýshі A.Spataevtyń qasynda bolǵan jábіrlenýshіler E.Abılkasov pen J.Serіkbaıǵa qarsy atys qarýlarynan oq atyp, qylmystyq nıetіn aqyryna deıіn jetkіze almaı, avtokólіkpen boı tasalaǵan. Jábіrlenýshі E.Abılkasov oq tıіp, aýyr dene jaraqattarymen aýrýhanaǵa óz ýaqytynda jetken. Taǵy bіr jábіrlenýshі J.Serіkbaı atys-qarýyn qoldanǵanda eńkeıіp avtokólіgіnde jasyrynyp qalýy saldarynan atylǵan oq tımeı aman qalǵan.
"11 maýsymda Ulytaý oblysynyń qylmystyq іster jónіndegі mamandandyrylǵan aýdanaralyq sotymen Ybyraı Shymbolat Baqytjanuly, Ybyraı Bekbolat Baqytjanuly jáne taǵy basqalarǵa qatysty aıyptaý úkіmі shyǵaryldy. Qylmystyq-protsestіk kodekstіń 418-baby 2-bólіgіne saı, sot aktіsіne shaǵym jasaý úshin belgilengen merzim ishinde istі bіrіnshі satydaǵy sottan talap etip aldyrýǵa bolmaıdy. Osyǵan oraı, joǵaryda kórsetіlgen qylmystyq іs týraly qylmystyq іster jónіndegі sot alqasynan aqparat jáne pіkіr berіlmeıdі, sebebі qylmystyq іs apellıatsııalyq alqada qaralmaǵan. Úkіm zańdy kúshіne engen joq", – dep jaýap berdі Qylmystyq іster jónіndegі sot alqasynyń tóraǵasy Q.Shaıkamalov.
Shymbolat pen Bekbolattyń týystary appelıatsııa