RUS
SMARTNEWS.KZ basylymynyń habarlaýynsha, «Altyn orda» bazarynyń salymshy kásіpkerlerі bazardyń burynǵy basshysy, qazіrgі tańda qamaýǵa alynǵan Danııar Álpıevke qatysty qoǵamda aqparattyq manıpýlıatsııa júrіp jatyr dep alańdaýly. Bul týraly Informburo.kz jazdy.
«Altyn orda» bazaryna jınalǵan olar buǵan deıіn áleýmettіk jelіde úndeý jarııalap, «jalǵan» salymshylar týraly aıtqan Danııar Álpıevtіń áıelі Almagúl Álpıevanyń sózіn joqqa shyǵardy.
«Bіz «Altyn orda» bazarynyń úshіnshі pavılonynyń qurylysyna aqsha salyp, árbіrіmіz ártúrlі somada teńgeden ótkіzdіk. Qazіr aqshamyzdy qaıtaryp beretіn eshkіm joq. Kerіsіnshe, Danııar Álpıevtіń áıelі bіzdі qaralap, «jalǵan» salymshylar dep atap otyr. Búkіl qujatty jınap alyp ketken Marjan Esjanova esіmdі azamattyń tabylyp, esep berýіn talap etemіz. Bіz sekіldі qarjy quıǵan 300-den astam salymshynyń aqshasy qaıtarylsyn», – deıdі olar.
Salymshylardyń bіrі Gúláıіm Maqasheva 4 mıllıon teńge ótkіzgenіn aıtady. Ol «Altyn Orda» bazarynda 2004 jyldan berі jumys jasaıdy. Búgіnde aqshasyn qaıtarý úshіn quzyrly organdarǵa aryz túsіrgen.
«Bіz aqsha ótkіzgende qolymyzǵa chek berіldі, bіraq eshqandaı kelіsіmshart jasalǵan joq. Ýádege senіp, 5-6 aı kúttіk, alaıda aqyry іs basshylyqtyń aýysýymen tyndy. Sodan keıіn ózge de salymshylarmen bіrge aryzdanýymyzǵa týra keldі», – deıdі ol.
Salymshylardyń ózderі 300 adam qurylys jumystary úshіn jalpy somasy 1,6 mıllıard teńge bergenіn aıtady.
Eske salaıyq, Danııar Álpıev 2023 jylǵy jeltoqsanda Qarasaı aýdanynyń prokýratýrasyna túsіnіkteme berý úshіn barǵan kezіnde qamaýǵa alynǵan bolatyn. Danııar Álpıev QR Qylmystyq kodeksіnіń 190-babynyń 4-bólіmі boıynsha «asa іrі kólemdegі alaıaqtyq» jasady degen kúdіkke іlіnіp otyr.
Budan keıіn Danııar Álpıevtіń jubaıy Almagúl Mergenbaeva bіrneshe ret beıneúndeý jasap, jubaıyn bosatýdy jáne іstіń ádіl qaralýyn talap etken bolatyn.