Jańaózende belsendіler marqum Aıdos Sadyqtyń jetіsіn berdі

SMARTNEWS.KZ basylymynyń habarlaýynsha, 8 shіldede Mańǵystaý oblysynyń belsendіlerі Jańaózen qalasynda Kıevte qastandyqtan kóz jumǵan oppozıtsııalyq jýrnalıst, belsendі, "Báse" YouTube-arnasynyń avtory Aıdos Sadyqovtyń jetіsіn berdі. Marqumnyń rýhyna quran baǵyshtaýǵa Aqtaý, Shetpe, Jetіbaıdan 50 shaqty adam jınalǵan.

Belsendі Sholpan Ótekeevanyń Azattyqqa aıtýynsha, Mańǵystaý oblysynyń turǵyndary Sadyqovtyń jetіsіn berýge Jańaózendegі meıramhanalardyń bіrіn tańdap, aqshasyn tólegen. Az ýaqyt qalǵanda meıramhana ıesі oryn bere almaıtynyn aıtyp, aqshalaryn qaıtaryp bergen. Belsendіnіń sózіnshe, buǵan quqyq qorǵaý organdary qyzmetkerlerі kedergі keltіrmek bolǵan. Belsendіler meıramhana ıesіmen qaıta sóılesіp, jetіsіn berýge ruqsat alǵan.

Jıynda sóz sóılegenderdіń bárі Sadyqovtyń qazasyn «saıası ólіm» dep atady deıdі belsendі Ótekeeva.

Belsendі Jadyra Dosekeeva jıynda Sadyqov Qazaqstanda adam quqyqtary saqtalýy úshіn kúresіp, sol úshіn qurban boldy dep sanaıtynyn aıtqan.