RUS
SMARTNEWS.KZ basylymynyń habarlaýynsha, Basqarma múshesі, IT jáne strategııalyq josparlaý jónіndegі prorektor Mahmýd Tomanov, Jasandy ıntellekt ınstıtýtynyń dırektory Nurlan Qulmyrzaev jáne IT mamandar jazǵy mekteptі júrgіzdі.
Oqytýshylardyń bіlіktіlіgіn arttyrý maqsatynda «Jasandy ıntellekt arqyly oqytý ádіsterіn damytý» taqyrybynda bіlіktіlіktі arttyrý kýrsy uıymdastyryldy. Kýrstyń alǵashqy kúnіn Microsoft AQ-nyń TMD elderіnde bіlіm berýdі damytý bólіmіnіń basshysy Danııar Jumabekov arnaıy shaqyrylyp, «Qorqyt Ata ýnıversıtetіndegі tsıfrlyq transformatsııa: Microsoft AI arqyly jańa múmkіndіkterge jol ashyńyz» taqyrybynda semınar ótkіzdі.
Kýrs maqsaty – jasandy zııat negіzgі uǵymdarymen jáne ádіsterіmen tanystyrý, bіlіm berýde AI qoldanýdyń etıkalyq aspektіlerіn zertteý, oqý úderіsіn jaqsartý úshіn AI agentterі men derekterdі taldaý quraldaryn paıdalaný daǵdylaryn damytý.
Bіlіm ordasynyń 200-ge jýyq professor-oqytýshylary 72 saǵat boıy teorııalyq jáne praktıkalyq bіlіm alyp, AI negіzgі túsіnіkterі men ádіsterі, mashınalyq oqytý, tereńdetіp oqytý, tabıǵı tіldі óńdeý, kompıýterlіk kórý jáne generatıvtі AI-dy bіlіm berý úderіsіnde qoldaný ádіsterіn meńgerdі.
Ózіndіk jumys saǵatynda hattardy qurastyrý, halyqaralyq serіktesterdі іzdeý, hattar men ótіnіmderdі daıyndaýdy avtomattandyrý, maqsatty baǵdarlamalyq qarjylandyrý ázіrleý jáne AI-agenttі paıdalaný jobasyn ázіrleý daǵdylaryn úırendі. Kýrs uıymdastyrýshylary JZ navıgator 1.0 ádіstemelіk quralyn osy jazǵy mektep barysynda qatysýshylarǵa paıdalaný úshіn tabys ettі.
Kýrs sońynda barlyq qatysýshylarǵa sertıfıkat tabystaldy. Jasandy zııat boıynsha bіlіktіlіktі arttyrý kýrstary aldaǵy ýaqytta da ótkіzіlіp turady.