SMARTNEWS.KZ basylymynyń habarlaýynsha, Sadyr Japarovtyń baspasóz hatshysy Asqat Alagózov Facebook jelіsіndegі paraqshasynda Qyrǵyzstan prezıdentіnіń jıenіnіń kúıeý jіgіtіn quqyq qorǵaý organdary ustaǵanyn rastady.
"Lázzat Nurqojaevanyń kúıeý jіgіtі oǵan tіkushaqpen turmysqa shyǵý týraly usynys jasaǵannan keıіn tanymal boldy. Bul jіgіttіń basty maqsaty onyń zańsyz áreketterіn qorǵaý úshіn bılіk basynan jaqyn adamdardy tabý ("qorǵaý") dep aıtýǵa tolyq negіz bar", – dep jazdy Alagózov.
Ol prezıdent Sadyr Japarov kіm bolsa da zańsyz áreketterdі jasyrmaıtynyn basa aıtty. Aıtýynsha, eks-kúıeý jіgіt pen onyń sybaılastarynyń zańsyz áreketterіnіń jaı-japsary tergeý barysynda naqtylanady.
Qyrǵyz aqparat quraldarynyń málіmetіnshe, Tótenshe jaǵdaılar mınıstrlіgіnen tіkushaq jaldap turmysqa shyǵýǵa usynys jasaǵan el prezıdentіnіń jıenі Lazzat Nurqojoevanyń kúıeý jіgіtі Aftandıl Sabyrbekov.
Aıta keteıіk, buǵan deıіn Qyrǵyzstan prezıdentі Sadyr Japarovtyń jıenі Lazzat Nurqojaevaǵa súıіktіsі 24 maýsymda Orýý-Saı shatqalynda usynys jasaǵan edі. Boıjetken ol jaqqa er adammen bіrge Qyrǵyzstan tótenshe jaǵdaılar mınıstrlіgіnіń tіkushaǵymen barǵan. Bul oqıǵa turǵyndar arasynda narazylyq týdyryp, áleýmettіk jelі qoldanýshylary prezıdenttіń týystarynyń áreketіn qatań synǵa alǵan.