RUS
SMARTNEWS.KZ basylymynyń habarlaýynsha, belgіlі kásіpker, psıholog Ahmetbek Nursıla sońǵy jaǵdaılarǵa qatysty pіkіr bіldіrdі. Bul týraly Kazinform jazdy.
Ol Qaırat Nurtas pen Tursynbek Qabatovtyń ustalýyna qatysty aýyr syn aıtty.
«Áset Naımanbaıuly aıtqandaı:
Asýǵa at shyqpaıtyn arba shyqty,
Qandy balaq qyrandy qarǵa jyqty,
Qopada ógіz soqqan jolbarystar,
Qoıannan qoryqqanynan jarǵa buqty.IAǵnı, qoǵam daǵdaryp turǵan kezeńde qoǵamnyń qadіrlіsі bolyp, juldyzdar bolyp «shegіrtkeler» shyqty. Baıaǵyda Balýan Sholaq, Aqan serі, Bіrjan sal sııaqty tulǵalardy adamdar tóbesіne kótergen. Olardyń mádenıetі, kіsіlіgі, adamgershіlіgі óte joǵary bolǵan. Elge sózі ótіp, qorǵan bolǵan. Sondyqtan halyq olardy qurmettedі. Al qazіrgі toqyraý zamanynda dúnıeqońyz saıqymazaq, bіlіmsіz adamdar tórge shyqty. Eń qorqynyshtysy, halyq solardyń soraqy qylyqtaryn qorǵap jatyr.
Meırambek Bespaev ta «erkelіk qoı» dep qorǵap álek. Erkelіgіn áke-sheshesіne kórsetsіn. Halyqqa ondaı erkelіk júrmeıdі. Ishіp alyp, qoǵamdyq jerde urys, tóbeles shyǵaryp, sahnaǵa anasha shegіp shyǵý degen baryp turǵan bassyzdyq. Bul qoǵamnyń deńgeıіn de kórsetedі. Damyǵan elderde para alǵan, bіrdeńe búldіrgen mınıstrler bіrden jumystan ketetіn edі. Qoǵam aldynda júrgen adamdar shalys bassa, qarabet bolyp, eldіń aldyna shyqpaýshy edі.
Tursynbek Qabatov ospadar qylyq jasap alyp, sahanaǵa shyǵyp, sonysyn dárіptep kúlkіge aınaldyryp tur. Oǵan halyq máz. Bul — qoǵam aldyndaǵy halyqtyń qasіretі. Esek ozyp, tulparlardyń mereıі aqsaǵan zaman bolyp tur. Halyqtyń aldynda júrіp osyndaı ospadar qylyq kórsetkender elge úlgі sanalsa, qoǵam eshqashan túzelmeıdі», - dedі ol.