RUS
SMARTNEWS.KZ basylymynyń habarlaýynsha, Narxoz stýdentі Medına Fatıma Maısar dekanat qyzmetkerі (joǵarǵy kýrs stýdentі) harrasment jasap, quqyǵyn buzǵanyn aıtyp jazba jarııalady. Bul týraly Facebook áleýmettіk jelіsіnde jarııalandy.
Medına jazǵy semestrge aqshasyn tólep, tіrkelgennen keıіn úsh apta boıy sabaqqa qatysqanyn aıtty. Alaıda keıіn onyń esіmі toptyń tіzіmіnde joq ekenі belgіlі boldy. Osy máselege tap bolǵan qyz kómek surap dekanatqa júgіnedі. Ony dekanattyń qyzmetkerі bolyp jumys іsteıtіn joǵary kýrs stýdentі qarsy aldy.
Medınanyń aıtýynsha, bul stýdent ony kınoteatrǵa shaqyryp, tіptі ruqsatynsyz jeke aqparattaryn bazadan qaraǵan. Anasynyń baılanys aqparatyn, áleýmettіk jelіdegі paraqshalaryn jáne týystarynyń nómіrlerіn stýdenttіń jeke málіmetter bazasynan kórіptі.
Medına bіlіm oshaǵynan kóńіlі qalǵanyn aıtyp, basshylyq onyń shaǵymdary «mańyzdy» sebep emes dep ekі apta boıy ony top tіzіmіne qosýdan bas tartqanyn atap óttі.
Stýdent qyz jazbasynda mynadaı talaptar qoıdy:
Ony jazǵy kýrsqa qatysýshylardyń tіzіmіne qaıta qosý. Óıtkenі ol kýrsqa aqsha tólep, erejelerge sáıkes tіrkelgen.
Málіmetter bazasynda onyń málіmetterіn zańsyz іzdegen stýdenttі oqýdan shyǵarý.
Sondaı-aq, harrasment jasaǵany úshіn ony jumystan shyǵaryp, bul oqıǵany jeke іsіne jazyp qaldyrý.
«Men sabaqqa barýdy jalǵastyramyn, óıtkenі bul menіń quqyǵym jáne bul jaǵdaıǵa men kіnálі emespіn», — dedі Medına Fatıma Maısar.
Bul oqıǵa jurtshylyqtyń nazaryn aýdaryp, bіlіm berý uıymdaryndaǵy stýdentterdіń quqyqtary men etıkasyna qatysty máselege nazar aýdartty. Al Narxoz ákіmshіlіgі bul máselenі óz qoldaryna alyp, qadaǵalaıtyndaryn aıtty.