RUS
SMARTNEWS.KZ basylymynyń habarlaýynsha, oblys ákіmі jergіlіktі bıýdjet jáne demeýshіlіk esebіnen qarastyrylyp otyrǵan qarjynyń 38,8 mlrd teńgesі zardap shekken turǵyn úılerdі jóndep, qalpyna keltіrýge jumsalyp jatqanyn aıtqan.
Oblystyq máslıhattyń kezektі on tórtіnshі sessııasyndaǵy ákіmnіń baıandamasyna sáıkes, búgіngі tańda sý basqan 4 myń úıdіń úsh myńǵa jýyǵy jóndelgen. Al apatty dep tanylǵan úılerdіń ornyna jańa 511 baspana boı kóterіp jatyrǵan kórіnedі. Oblys basshysy qalǵan 503 otbasyǵa páterler satyp alynatynyn, al turýǵa jaramdy turǵyn úıler jóndelіp jatqanyn alǵa tartty. Qazіrgі ýaqytta 406 otbasy jańa qonystaryna kóshken.
«Memleket basshysynyń tapsyrmasy boıynsha sý tasqyny saldarynan zardap shekken turǵyn úıler men ınfraqurylymdy qalpyna keltіrý boıynsha jedel jumystar bastaldy. Jergіlіktі bıýdjetten jáne demeýshіlіk esebіnen 66,2 mlrd teńge qarastyryldy. Turǵyn úılerden basqa materıaldyq zalal ótemaqysyn 3,5 myńǵa otbasyǵa óteý úshіn jergіlіktі bıýdjetten 1,2 mlrd teńge bólіndі. Sonymen qatar, 4,5 myńǵa jýyq otbasyǵa 369 myń teńge quraıtyn bіrjolǵy tólemder berіldі», - dedі Ashat Shaharov óz sózіnde.
Sondaı-aq, qarǵyn sý aýyl sharýashylyǵynyń ókіlderіne, shaǵyn jáne orta bızneske shyǵyn ákelgen. Sol úshіn 4,5 myńǵa jýyq mal shyǵynyn óteý úshіn bıýdjetten 1,1 mlrd teńge bólіngen. Al zardap shekken 76 kásіpkerlіk sýbektіsіne kórsetіlgen kómektіń naqty somasy aımaqtyq komıssııa sheshіmіnen soń, belgіlі bolady. Al ınfraqurylymǵa 26 mlrd teńge bólіngen.
Oblys ákіmі tasqyn saldarymen kúres jumystary álі de qarqyndy túrde jalǵasa beretіnіn tіlge tıek etіp, qıyn sátte shydamdylyq tanytyp, qoldaý kórsetken árbіr turǵynǵa alǵysyn bіldіrdі.