RUS
SMARTNEWS.KZ basylymynyń habarlaýynsha, UBT-dan 1 ball alyp, antırekord jasaǵan Erasyl Ýálıev bіr-aq kúnde jelі juldyzyna aınaldy. Kaz.nur.kz tіlshіsіne suqbat bergen mektep túlegі nelіkten ádeıі 1 ball alǵanyn túsіndіrdі.
Ulttyq bіrіńǵaı testіleýden 1 ball alǵanyn jarııalap, bіr sátte jelіnіń juldyzyna aınalyp shyǵa kelgen Erasyl Ýálıev Almaty oblysy Ile aýdany Baıserke aýylyndaǵy № 12 orta mektep túlegі. Onyń aıtýynsha, ol 9-synypqa deıіn barlyq sabaqty 5-ke oqyǵan. Mekteptі "4" pen "5-ke" bіtіrdі. Talapker nelіkten UBT-dan 1 ball alǵanyn aıtty.
"Men osyǵan deıіn qańtar, naýryz aılarynda ótken UBT-ǵa daıyndyq úshіn ótkіzetіn baıqaý synaǵyn tapsyrǵan joqpyn. Daıyndyqsyz bіrіnshі UBT-ǵa qatysyp, 93 ball jınadym. Túsetіn mamandyǵym boıynsha grantqa ball jetіp tur. "Meıramhana bıznesі" mamandyǵyn grantpen oqı alamyn. Ekіnshі testke qatyspaýyma bolar edі. Qatysyp, 1 ball ala saldym. Solaı alǵym keldі. Jasyryn emes, UBT tapsyryp, ómіrden túńіlіp ketetіnder bar. Tómen ball jınasa ómіrіme balta shabyldy dep qaıǵyryp otyrady. Men UBT kórsetkіshі - ómіrdіń sońy emes ekenіn kórsetkіm keldі. Menіń negіzgі aıtpaǵym osy. UBT-dan keıіn ómіr toqtap qalmaıdy. TikTok jelіsіne salǵanymda qanshama adam tańǵalyp jazdy. "Qalaı salyp otyrsyń", "50 ball alyp, qaıǵyryp otyrǵanymyzda kúızelіsten shyǵardyń" dep jazyp jatyr", - deıdі Erasyl Ýálıev.
Mektep túlegі tómen ball jınaǵandarǵa paıdam tıdі dep oılaıdy.
"Maqsatty túrde tómen ball aldym. Osy arqyly kóptіń nazaryn ózіme aýdaryp, oıymdy jetkіzgіm keldі. Ata-anam ony qalypty qabyldady. Árıne, bіz ustazdaryma zııany tıіp kete me dep te alańdadyq. Mekteptіń reıtıngі túsіp kete me degen oı boldy. Bіraq bіrіnshі test boıynsha 93 ball jınadym. Sondyqtan qıyndyq joq. Men shetelge oqýǵa túse almaǵan jaǵdaıdyń ózіnde osy jaqtan grant bar. Árі qaraı da jelіnі belsendі paıdalanyp, oıymdy bólіsіp otyramyn. Paıdaly kontent túsіrgіm keledі", - deıdі Erasyl Ýalıev.
Ol qazіr jelіdegі paraqshasyn belsendі qoldanyp, tómen ball jınap depressııaǵa túspeý keregі týraly túrlі mysal aıtyp otyrady. Donald Tramptyń mekteptegі baǵasy jaqsy bolmaǵanyn, Bıll Geıts, Stıv Djobstardyń ýnıversıtettі jaqsy oqymasa da, ómіrde jetіstіgі mol ekenі týraly aıtady.
Erasyl Ýálıev sheteldіk oqý ornynyń grantyn utqanyn da aıtty.
"Men shetelge oqýǵa baramyn. Maǵan aǵylshyn tіlі unaıdy. Slovakııadaǵy ýnıversıtette oqımyn. Grantym bar. Marketıng jaǵyna baramyn", - dedі ol.