RUS
SMARTNEWS.KZ basylymynyń habarlaýynsha, Lıýbov Boldyreva men onyń uly Nıkıta Shardaradaǵy mal qora men saýnada erkіnen tys jumys іstegen.
13 jyl quldyqta áıel týǵan aǵasymen bіrge 2011 jyly Shardaradaǵy saýnaǵa jumys іsteýge baryp, qaıta shyǵa almaı qalǵan. Saýnanyń las sharýasynan bólek, qojaıyndardyń mal qorasynan shyqpadyq degen áıel qara jumysqa jegіlgenіn aıtady.
Buryn turǵan úıіmіzdі óz atyna aýdaryp, keıіn satyp jіberdі. Týǵan aǵam, ekіnshі kúıeýіm men ulym tórteýіmіz kúndіz-túnі qojaıynnyń áýletіnіń quly boldyq. Jumys іsteısіńder dep aldap shaqyrǵanymen 13 jylda soqyr tıyn da ustatqan joq. Bіrneshe márte qashyp kórdіm. Bіraq qaıdan bolsyn taýyp, uryp qaıtadan jumysqa jegetіn. Aǵam bіr márte polıtsııaǵa da barǵan edі. Bіraq Shardarada bіzdіń qojaıynǵa qarsy keler jan joq, - deıdі ol.
Otyrar.kz-tіń málіmetіnshe, «áıeldіń qojaıyn dep otyrǵany - Shardaranyń іshkі іster bólіmіnde laýazymdy qyzmetter atqarǵan ofıtser». Al 3 jasynda quldyqqa túsken Nıkıta da túnde qum tasyp, kúndіz mal qora tazalaǵan.
Qazіr kúdіktі men onyń úsh serіgіne qatysty qylmystyq іs qozǵalǵan.
Jedel ýákіlder prıton uıymdastyrǵan kúdіktіnіń úıіn tіntý kezіnde áıel quldyqta bolǵanyn aıtty. Qazіr qylmystyq іs boıynsha áıeldіń ýájderіn polıtsııa tekserіp jatyr. Ol daǵdarys ortalyǵyna ornalastyryldy, - dedі Túrkіstan oblysy PD baspasóz hatshysy Gúlnar Abdýjapparova.
Kúdіktі dep tanylǵan er adamǵa qatysty jer qoınaýyn zańsyz óndіrý boıynsha tergeý amaly júrgіzіlіp jatyr.