RUS
SMARTNEWS.KZ basylymynyń habarlaýynsha, Almatyda marqum zańger Aıman Asanovanyń aǵasy onyń ólіmіne kіnálі dep tanylǵan burynǵy kúıeýіnen 50 mln teńge moraldyq zııan ótemaqysyn óndіrý úshіn sotqa júgіngen.
"Qaıtys bolǵan áıeldіń aǵasy qoıǵan talabynda ápkesіnіń ólіmі oǵan jáne barlyq jaqyndaryna aýyr qaıǵy-qasіret ákelgenіn atap kórsettі. Onyń ájesі men ákesі ýaıym-qaıǵynyń saldarynan qaıtys boldy. Ol otbasyna keltіrіlgen moraldyq zııandy 50 mln. teńgege baǵalady.
Jaýapkerdіń ókіlі qoıylǵan talapty moıyndamaı, áıeldіń ólіmіne kіnálі adamǵa qylmysy úshіn jaza qoldanylǵanyn – onyń 11 jylǵa bas bostandyǵynan aıyrylǵanyn jáne qoıylǵan talapta kórsetіlgen somanyń qolynda joq ekenіn atap kórsettі.
Sot qoıylǵan talapty іshіnara qanaǵattandyrdy.
Parasattylyq pen ádіldіk talaptaryn basshylyqqa ala otyryp, talap qoıýshynyń paıdasyna moraldyq zııandy óteý retіnde 10 mln. teńge óndіrіldі", – delіngen jazbada.
Eske sala keteıіk, belgіlі zańger Aıman Asanova 2022 jyldyń 12 qazanynda kóptegen pyshaq jaraqatynan medıtsınalyq mekemede qaıtys boldy. Al keıіn advokat áıeldі óltіrdі degen kúdіkpen onyń burynǵy kúıeýі ustaldy.