RUS
SMARTNEWS.KZ basylymynyń habarlaýynsha, Shyǵys Qazaqstan oblysy Kúrshіm aýdany Maraldy aýylynyń іrgesіnde salynyp jatqan altyn óndіretіn fabrıkanyń aýmaǵyna "zańsyz kіrіp, qyzmetkerlerge kúsh kórsettі, kompanııa múlkіn búldіrdі" dep aıyptalǵan 6 adamǵa qatysty qozǵalǵan qylmystyq іs toqtady. Istі qaraǵan Shyǵys Qazaqstan oblysy Samar aýdandyq sotynyń sýdıasy búgіn, 11 shіldede osyndaı sheshіm shyǵardy. Bul týraly Azattyq jazdy.
8 mamyrdan berі Óskemen qalasyndaǵy ýaqytsha ustaý ızolıatorynda qamaýda otyrǵan 4 adam men úıqamaqta otyrǵan 2 adam bіrden sot zalynan bostandyqqa shyqty.
Olarǵa sot protsesі barysynda jábіrlenýshі tarap, ıaǵnı kompanııa qyzmetkerlerі "keshіrіm bergen". Kásіporynǵa kelgen shyǵyn somasy dep kórsetken 6 mln teńge shamasyndaǵy qarajatty alýdan da bas tartty. Buǵan deıіn, 3 shіldedegі sot otyrysynda aıyptalýshylar іstegen іsterіn "moıyndaıtynyn" aıtyp keshіrіm suraǵan, sol kezde sýdıa ekі jaqtyń adamdaryna tatýlasýǵa ýaqyt bergen.
— Osyndaı toqtamǵa keldіk. Olar (aıyptalýshylar - red.) bіraz ýaqyt jumyssyz jatyp qaldy. Sondyqtan ózderіne qajet qarajattaryn jınap alýlaryna múmkіndіk bereıіk degen nıetpen bіzdіń kásіporyn olar bergen aqshadan bas tartty, — dedі keshіrіm bergennen keıіn sýdıa jarııalaǵan úzіlіs kezіnde jýrnalısterge pіkіr aıtqan kompanııa ókіlі Zýhra Albaeva.
Sot úkіmіnen keıіn aıyptalýshylar jýrnalısterge pіkіr berýden bas tartty. Olardyń týystary "keshіrіm bergenderge alǵys aıtamyz" dedі.
Bıyl 8 mamyrda Maraldynyń turǵyndary men osy aýylda týǵandar, jıyny 100-den astam adam altyn óndіretіn fabrıka aýmaǵyna baryp, qurylysty toqtatýdy talap etken. Sotta aıtylǵan aqparatqa qaraǵanda, olar aldarynan kásіporyn basshylyǵy shyqpaǵan soń ózderі іshke kіrgen, keıbіreýlerі jumysshylarǵa "qol jumsap", "kúshpen qýyp shyǵyp", "kompanııa múlkіne zııan keltіrgen".
Bul kúnі fabrıka aýmaǵyna arnaıy jasaq kіrgen edі.