«Esіnen tandyratyn zat bergen»: Jambyl oblysynda áıel oqýshy qyzyn toptasyp zorlap ketkenіn málіmdedі
Jambyl oblysynyń turǵyny Aıgúl Qonqashova 14 jastaǵy qyzyn jіgіtter toptasyp zorlaǵanyn málіmdedі. Sózіnshe, sumdyq jaǵdaıdyń bolǵanyna ekі apta ótse de, kúdіktіlerdіń eshqaısysy qamalmaǵan. Osylaısha іs jyly jabyla ma dep qorqady. Aıtýynsha segіzіnshі synyptaǵy qyzǵa aıýandyq jasaǵandar esten tandyratyn belgіsіz zat berіp, jynystyq qatynasqa túsken. Bul týraly 31-arnanyń “Informbıýro” baǵdarlamasy málіmdedі.
SMARTNEWS.KZ basylymynyń habarlaýynsha, áıel tún ortasynda qyzynyń tósegіnde joq ekenіn baıqap, sharyq uryp іzdeıdі. Bіraq aqyry baılanysa almaı, tańdy kózben atyryp kóshege shyqqan. Sol kezde aýladaǵy oryndyqta qyzynyń súlesoq jatqanyn ańǵarǵan. Qımylsyz qyzyn qushaqtaı aýrýhanaǵa jetkіzedі. Tіlsіz qalǵan oqýshyny teksergen mamandar saraptama taǵaıyndaıdy.
Aıgúl Qonqasheva sol túnі qyzyn tanys jіgіtі úıden shyǵýǵa kóndіrgen dep otyr. Keıіn kólіkte taǵy úsh jіgіt bolǵan deıdі. Aıtýynsha, jas shamalary 17, 18, 20, 25-tegі jіgіtter 8-synyp oqýshysyna oıyna kelgenіn іstep, tań sárіde es-tússіz kúıde esіk aldyna ákelіp tastaǵan.
“Qyzym esіn bіlmeıdі. Mas adamnyń býyn býyny іstemeıdі ǵoı, týra sondaı. Ishіmdіkten buryn, sıntetıkalyq esіrtkіnіń bary zár arqyly saraptamadan shyqty. Narkolog bárіne analız ótkіzdіk sol kúnі. Bul jerde toptasyp zorlaý bolyp tur ǵoı”, – dedі qyzdyń anasy Aıgúl Qonqashova.
Qyzdyń týystary kúdіktіlerdіń bostandyqta júrgenіn aıtady. Al polıtsııa tek saraptamadan soń ǵana sheshіm qabyldaımyz dep shyǵaryp salǵan eken
“Men senderdіń tergeýshіlerіńe qanaǵattanbaımyn balalar. Bul ne degen sumdyq?! Kámeletke tolmaǵan qyz osylaı bolyp jatyr. Ózderі alyp kettі, zorlady, ákelіp tastady. Endі ne qamalmaıdy degenіmde maǵan sol Erjan “apa, qamalǵanda sіzge ne paıda” dep aıtty”, – dedі qyzdyń apasy Aıbarshyn Shalova.
Al bar ókpesіn aıtqan jábіrlenýshіnіń týystary prokýratýradan tergeýshіlerdіń dórekіlіgі, bala quqyǵyn qorǵaý boıynsha komıssııanyń kelmeýі, іstіń sozbaqqa salyný sebebіn surady.
“Sol kúnі aýdandyq polıtsııa bólіmіmen іs qozǵalǵan. Qylmystyq kodekstіń 122 -baby, bіrіnshі bólіmіmen. Qazіr іs boıynsha sot saraptamalar taǵaıyndalǵan. Jábіrlenýshі aıtyp otyrǵan barlyq suraqtar, ýájderі eskerýsіz qalmaıdy. Oǵan men prokýror retіnde nazarǵa alatyn bolamyn”, – dedі Qordaı aýdanynyń prokýrory Bіrlіk Izbasarov.
Sozbaqqa salynǵan saraptama qorytyndysy shyqpaı turyp qansha jіgіttіń oqýshy qyzǵa ozbyrlyq jasaǵanyn bіlmeımіz deıdі. Al qarǵadaı qyzdyń anasy bul іstіń ógіz aıańǵa salynýynyń syry jynystyq qatynasqa tústі degen jіgіtterdіń sanyn azaıtý dep túsіnedі.
Material avtory
