Japarov uly ólgende mal shalyp, baýyrsaq pіsіrtpegen - qyrǵyzdar molalardyń dızaınyn ózgertpek
Sadyr Japarov qyrǵyzdar beıіttі arabtar sııaqty salý kerek deıdі.
SMARTNEWS.KZ basylymynyń habarlaýynsha, Qyrǵyzdar molalardyń dızaınyn ózgertýge bekіnіp otyr. Prezıdent Sadyr Japarov úlken kúmbezdі beıіt salý ysyrapshyldyq qana emes, ıslam qaǵıdasyna da saı kelmeıtіn áreket dep synaǵan. Bul týraly Azattyq Rýhy jazdy.
«Keıbіr qabіrlerge kúmbez qoıyp, ekі qabatty úıdіń ornyna salady. Sosyn ol jer paıdalanylmaı jatady. Men prezıdent bola tura olaı іstemeımіn, qarapaıym halyq ta olaı іstemeýі kerek. Bul jerde másele ysyrapshyldyqta ǵana emes, bul ıslam erejesіne de sáıkes kelmeıdі», - dedі Japarov.
24.kg onlaın basylymynyń deregіnshe, qyrǵyz prezıdentі óz ákesіnіń 90-jyldary Mekkege baryp, adam jerleý týraly oıynyń ózgerіp kelgenіn aıtqan. Sózіnshe, arabtar molany qorshap, qulpytas qoımaıdy eken. Sodan keıіn prezıdenttіń ájesі men atasynyń beıіtіndegі janazalyq atrıbýtıkalardy alyp tastapty.
Sadyr Japarov 2019 jyly Dastan atty uly qaıtys bolǵanda oǵan eshqandaı qulpytas qoımaǵanyn eske alǵan, tіptі qurban shalyp, baýyrsaq ta pіsіrtpegen.
Qazіr Qyrǵyzstannyń sheneýnіkterі molanyń dızaınyn ózgertýge baılanysty Japarovtyń tapsyrmasyn oryndaýǵa kіrіspek.
Material avtory
