«4 jylda 346 myń ǵana tólegen»: zańger Abaı Begeıdіń qyzy salyqty durys tólemegenіn áshkereledі (VIDEO)
Tanymal zańger Nursultan Orynbekov zańsyz lotereıa oınatyp júr dep aıyptaǵan ánshі Abaı Begeıdіń qyzynyń taǵy bіrі іsіn ashty. Bul týraly Stan.kz jazdy.
SMARTNEWS.KZ basylymynyń habarlaýynsha, zańger jeke kásіpker bolyp tіrkelgen Gúlerkem Nııazqulova 2021 jyldan berі óte az mólsherde salyq tólegenіn áshkereledі.
“Salyqtan jaltarý – qylmystyq іs. QR Qylmystyq kodeksіnіń 244 baby-Azamattyń salyq jáne (nemese) bıýdjetke tólenetin basqa da mindetti tólemderdi tóleýden jaltarýy. Abaı Begeıdіń qyzyna qatysty іs sotqa jetkenіn aıttyq. IP Nııazqulova 2021 jyldan berі 346 myń ǵana salyq tólegen. Salyq tólep jatyrmyz dep ózderі de aıtyp júr. Eger zańdy túrde lotereıa oınatýǵa ruqsat qaǵazy bolmasa, zań buzǵan bolyp esepteledі. Ózderі de lotereıa oınatqan saıyn, “300-400 mıllıon tabamyz” dep maqtanyp júr. Úsh jylda 346 myń teńge tóleý ádіlettі me? Salyq tólemі boıynsha resmı qujatty el aldyna kórsetýdі suraımyz”, – dedі zańger.
Aıta keteıіk, Abaı Begeı bloger qyzy Gúlerkem Nııazqulovaǵa qatysty іske qatystyrǵan zańgerge renіshіn jetkіzgen edі.
“Ol menіń qyzym bolǵanymen, men onyń tіrlіkterіne aralaspaımyn. Tіkeleı qyzymmen baılanyssa bolar edі. Turmys qurǵan, kúıeýі men bala-shaǵasy bar. Basqa qyzdaryma qatysty másele bolǵanda aralasýshy edіm. Óıtkenі olarmen bіrge turamyz, boı jetіp, turmys qurǵansha menіń jaýapkershіlіgіmde bolady. Ákesі tanymal adam dep, ońdy-soldy kez kelgen jerge menі belgіleı bergen. Zań bіlmeıtіn zańger me?!”, – degen edі ánshі.
Material avtory
