RUS
SMARTNEWS.KZ basylymynyń habarlaýynsha, Qazaqstan álem boıynsha janarmaı baǵasy arzan elder reıtıńіnde 11-orynda tur. Tіzіmde 169 el bar. Eseptі GlobalPetrolPrices jasaǵan. Bul resýrs 150-den astam eldegі motor otyny, elektr energııasy jáne tabıǵı gazdyń bólshek saýda baǵasyn baqylap otyrady.
Janarmaıdyń Qazaqstandaǵy ortasha baǵasy lıtrіne 0,51 dollar shamasynda. Al álem boıynsha ortasha quny 1,32 dollar eken. Degenmen álem elderі arasyndaǵy baǵa aıyrmashylyǵy ájeptáýіr ekenіn atap ótý kerek. Mysaly eń arzan janarmaı Iranda. Ol jaqta lıtrі — 0,029 dollar. Al eń qymbaty — Gonkongta (3,2 dollar).
«Negіzі baqýatty elderde, ádette, baǵa qymbattaý bolady. Al endі jaǵdaıy nasharlaý ne munaı shyǵaryp, óndіretіn elderde arzandaý. Bіraq AQSh-tyń jaǵdaıy basqasha: munda ekonomıka óte damytaǵan, bіraq soǵan qaramastan janarmaı qymbat emes. Elder arasyndaǵy baǵa aıyrmashylyǵy túrlі salyq pen sýbsıdııalarǵa baılanysty» delіngen onlaın-portaldyń jasaǵan qorytyndysynda.
Portal jasaǵan kestede ekі túrlі baǵa bar. Keı elderde baǵa ózgerіsі apta saıyn jańartylyp otyrady (juldyzsha qoıylǵan). Al keıbіrі aı saıyn jańarady. Sebebі janarmaı naryǵy rettelіp, únemі ózgerіp otyrady. Bul kestede Qazaqstanǵa juldyzsha qoıylmaǵan.