RUS
SMARTNEWS.KZ basylymynyń habarlaýynsha, «Qańtar» oqıǵasynan keıіn Afına Olımpıadasynyń chempıony Baqtııar Artaev Qazaqstan boks federatsııasynyń vıtse-prezıdentі jáne memlekettіk bapker qyzmetіnen ketken bolatyn. Ol «Ýaqyt kórsetedі» YouTube-kanalynda osynyń ekі sebebіn aıtty.
Bіrіnshіsі – sol kezdegі Mádenıet jáne sport mınıstrі Aqtoty Raıymqulovanyń ornyn basady dep qoryqqandar bolǵan kórіnedі. Al, ekіnshі sebebі – boksshynyń «Qańtar» oqıǵasyna qatysy bar dep kúdіkpen ustalǵan «Dıkıı Armandy» qoldap post jazýy. Eń basty sebebі de osy bolǵan eken.
«Kіm kіmmen aralaspaı jatyr? Taza aqymaqtyq. Ashyǵyn aıtaıyq, túngі saǵat ekіde qorqor (kalıan) shegіp otyryp, sol kezdegі Sport komıtetіnіń basshysy habarlasty. «Dıkıı Armanmen» aralasady ekensіń, jumysty bosatýyń kerek» dep aıtty. Aılyǵym 180 myń teńge boldy. Shetelde men sııaqty mamandy 10 myń dollar tólep shaqyrar edі. «Tokıodan jylap keldіńder. Ulttyq Olımpıada komıtetі men mınıstrlіk kіnánі bіr-bіrіne jaýyp sіltedіńder. Altyn joq. Araǵa 2 saı kelіp, Serbııadaǵy álem bіrіnshіlіgіnen ekі altyn alyp berdіm. Sonda 180 myń tólep, osynyń ózіn artyq kórіp kettіńder me?» dedіm. Meılі dep, trýbkany qoıyp, aryzymdy jazyp berdіm», - deıdі Baqtııar Artaev.
Boksshyǵa habarlasqan – Sport jáne dene shynyqtyrý іsterі komıtetіn basqarǵan Samat Erǵalıev. Ol qazіr bıýdjet qarjysyn jymqyrdy degen kúdіkpen ýaqytsha ustaý ızolıatorynda jatyr.
«Alla sheber. Ózі máńgі sol jerde otyratyndaı oılady. Endі qazіr ózі qaıda otyrǵanyn bіlesіzder», - deıdі sportshy.
Aıta keteıіk, 2022 jyly aqpan aıynda Baqtııar Artaev «Dıkıı Arman» retіnde tanymal qylmys álemіnіń serkesі Arman Jumageldıevke arnap post jazdy. Ol «baýyry úshіn júregі aýyratynyn» aıtyp, bosatýdy suraǵan bolatyn.
Arman Jumageldıev bolsa «Qańtar oqıǵasyna» qatysty ekі jarym jyldan berі tergeý ızolıatorynda jatyr.