RUS
SMARTNEWS.KZ basylymynyń habarlaýynsha, Jambyl oblysy Qordaı aýdanynda 14 jastaǵy qyz zorlanǵan. Kámelettіk jasqa tolmaǵan jasóspіrіmge zorlyq kórsetkender qamaýǵa alynbaǵan.
Biz01.KZ aqparat agenttіgіnіń habarlaýynsha, osydan 15 kún buryn oryn alǵan oqıǵaǵa quzyrly organdar álі tıіstі nazar aýdarmaı keledі. 26 maýsymda oryn alǵan oqıǵanyń genetıkalyq zertteý nátıjesі daıyn bolmaı, іs qozǵaýsyz tur. Qordaı aýdandyq іshkі іster bólіmі men prokýratýra ókіlderі jábіrlenýshіden alynǵan taldamanyń nátıjesі daıyn bolmaı, kúdіktіler qamaqqa alynbaıdy dep otyr.
Óz kіnálaryn moıyndap, bolǵan іske kýálіk etken kúdіktіler bolsa da, olar qamaýǵa alynbaǵan.
Sondaı-aq, zorlyq kórgen qyzdyń anasy tergeý barysynda psıholog mamannyń bolmaǵanyn jáne ózіn de tergeý barysynda «qyzyńyz sіzden uıalyp tur» dep tysqa shyǵaryp jіbergenіn, jasóspіrіmge qysym jasalǵanyn aıtady.
«Kúdіktіler qyzdy aldap-arbaý jolymen, ıaǵnı, «anań uıyqtap qalǵan kezde syrtqa shyq, qydyryp kelemіz, taǵy ekі qyz shyǵady» dep tysqa shyǵarǵan. Sóıtіp, kólіk júrgіzgen jáne sóılesken jіgіtten ózge bіr jіgіt bar, bárі aýdan ortalyǵy Qordaıǵa barady. Jarty saǵattan asa belgіsіz qyzdardy kútken olar dúkenge kіrgen. Sol jerden jіgіtterdіń bіrі kola sýsynyn alyp, kólіkke kelіp qyzǵa quıyp bergen. Sýsynnyń ekі stakanyn іshken soń qyz esіn joǵaltqan. Sol kezde jіgіtter jaman oıyn júzege asyrǵan», - dedі jábіr kórgen qyzdyń anasy.
Sodan keıіn qyzdy es-tússіz kúıde belgіsіz ýaqytta aýlasyna ákelіp tastaǵan. Anasy tańǵy ýaqytta qoqys tastaýǵa shyqqan sátte qyzynyń essіz jatqanyn, kıіmderіnіń bárі búlіngenіn kórgen.
Aıta keteıіk, zorlyq kórgen jasóspіrіm Qordaı aýdanyna qarasty Qanysh Sátbaev atyndaǵy orta mekteptіń 8-shі synybyn támamdaǵan. Alaıda, mektep ákіmshіlіgі tarapynan da bul otbasyna qaıyrylǵan eshkіm bolmaǵan.
Jábіrlenýshі tarap bul іs jyly jabylyp qalady ma dep alańdap, el prezıentі Qasym-Jomart Toqaevtan bastap, Bas Prokýratýra, Sotqa úndeý jasady.