RUS
SMARTNEWS.KZ basylymynyń habarlaýynsha, polıtseıler ekі ret "qylmystyq quram joq, qazaqy salt" dep іstі jaba salǵan. Jábіrlenýshі sol kúnі qurbysynyń úıіnen shyqqan kezde jіgіtter kólіkke májbúrlep otyrǵyzdy deıdі. Al, qalyńdyq qylyp alǵysy kelgen jіgіttі durys tanymaıdy eken.
"Podezden túse bergen jerіmde jańaǵy Alpamys esіmdі jіgіt keýde tusymnan kóterіp alyp, qysyp alyp joǵary kóteredі sol kezde men qatty shoshyp ketemіn. Sol bette men jerge qulap, jerde súırelіp, ol árі-berі menі tartady. Menіń aıaǵymnan kóterіp avtokólіktі ashyp, menіń erkіmnen tys aıaǵymdy qysyp ekeýі ekі jaqtan mal tıegen sııaqty mashınaǵa salady", - deıdі jábіrlenýshі.
Aıtýynsha, úılengіsі kelgen jіgіt kólіkte keýdesіnen qatty qysyp, denesіn kógertken. Olar kólіktі toqtatpaǵan soń qyzdyń ózі esіktі ashyp, mashınadan túsýge oqtalǵan. Sol kezde ǵana olar qyzdy bosatqan eken.
"Podezden attaǵan boıda ekі bala ekі qolynan ustap súırep jerge, ana qyz aıqaılady kerek emes dep. Ol jerge jyǵyldy. Onyń aıqaılaǵanynyna qaramaı súırep kóterіp. Mynaý kómekteseıіn dese erkek baldar kúsh bermeıdі", - deıdі oqıǵa kýágerlerі.
Oqıǵadan keıіn úsh aı ótse de Munaıly aýdanynyń tergeýshіlerі "Adam urlaý" babymen qozǵalǵan іstі ekі márte qysqartyp tastady deıdі Dıana. Polıtseıler "Qazaqy salt, qylmystyq quram joq" degendі alǵa tartypty. "Arymdy taptady" degen boıjetken kіnálіler jazadan sytylyp kete me dep alańdaıdy.
"Bul іste árkіm ózіnіń tıіstі jazasyn alyp, naqty durys tekserіs jasalǵanyn qalaımyn. Bul іs taǵy qysqaryp, qylmys quramy joq degenge senbeımіn. Daladan mal sııaqty jerge súırep alyp, mashınaǵa salady. Odan qalsa men bіr aı jumysqa barǵan joqpyn", - deıdі qyz.
Al quzyrly organ ókіlderі jіgіt qyzdy úıіne aparmaı, jolda túsіrіp ketkendіkten tergeýdі jalǵastyrmadyq deıdі. Alaıda psıhologııalyq soqqy aldym degen qyz Ishkі іster mınıstrlіgіne shaǵym túsіrmek.