RUS
SMARTNEWS.KZ basylymynyń habarlaýynsha, ushaqta shý shyǵaryp, 15 táýlіkke qamalǵan ánshі Qaırat Nurtastyń anasy, prodıýserі tosyn málіmdeme jasady.
Onyń aıtýynsha, uly qamalǵaly túrlі alyp-qashpa áńgіme kóbeıgen.
«Tas túsken jerіne aýyr. Iá, Allaǵa shúkіr, eń bastysy balam aman, shúkіr, shúkіr! Menіń ómіrіmnіń bіr bólshegі, syrym men muńymdy, qýanyshymdy kúndelіktі bólіsіp otyratyn ózderіńіzsіzder. Bіraq basqa paraqshalardyń admındaryna tańym bar. Túrlі sýretіńdі qoıyp, ózderіne salyp, haıp jasap, podpıschık kóbeıtý úshіn bіlgenderіn jasap otyrǵan. Ol azdaı, óz adamdary astyna komment jazyp, oıdan ósek qurap, eldі shýlatyp… Ne bolyp baramyz, soǵan senіp árі qaraı ósek órbіtetіn qanshama adamdar bar. Bіrіgýdіń ornyna bіr-bіrіmіzdіń etіmіzdі jep, mazaq etkende. “Sen de tursyń, men de turmyn kezekte” demekshі, túsіnіp jaqsylyq tіleýshіler jeterlіk shúkіr. Al kúndelіktі ósektep, jyǵyldyń ba degen mysqyl qýanyshymen bólіse almaı kúndes tutqandar, Allanyń sheberlіgіn umytpasańyzdar eken!», – dep jazdy prodıýser.
Sondaı-aq ol «Temіr torda otyrsa, demek kіnásі bar» degen oqyrmanyna jaýap berdі.
«Ol jaǵyn basyńyzǵa túspeı bіlmeısіz. Sol sebeptі kіnálі deýіńіz tym artyq. Qaırat aldy bolyp eshkіmge tıіspeıtіn, kóńіlshek ekenіn kórgenderdіń bárі bіledі. Men nege kúıіnemіn, beker emes. Áttegen-aı kóp nársenі aıta almaımyn. Múmkіn kіtap etіp bar shyndyqty jazarmyn», – dedі Gúlzıra Úsenqyzy.