«Bіr kúnі áıeldі bosandyryp júrmesіn»: Bekbolat Tіleýhan Almatyǵa kelіp, sábıdі qyrqynan shyǵardy (VIDEO)

SMARTNEWS.KZ basylymynyń habarlaýynsha, psıholog, 7 balanyń anasy Nurgúl Daýbaeva sút kenjesіnіń qyrqynan shyǵarý rásіmіn eks-depýtat Bekbolat Tіleýhan men onyń áıelіne jasatqan. Bul týraly Azattyq Rýhy jazdy.

«Allanyń buıyrtqany, Almatyda Asanálіnіń qyryq kúnge tolǵan mańyzdy kúnіnde kіndіk áke-kіndіk anasy Bekbolat aǵamyz ben Kenje ápkem qaryn shashyn, tyrnaǵyn alyp, bіr úlken іs atqardy», - dep jazdy Daýbaeva.

Bekbolat Tіleýhannyń ózі sábıdіń shashyn qıyp, tyrnaǵyn alǵan. Alaıda bul árekettі oqyrmandar túsіnbeıtіnіn jazǵan.

«O zaman da, bu zaman, erkek qyrqynan shyǵarǵandy bіrіnshі ret kórіp turmyn. Erkek, er adam qyrqynan shyǵarmaıdy ǵoı. Kúnnen-kúnge neshe túrlіnі shyǵarady. Bekbolat jumys aýystyrǵan ba, bіr kúnі áıelderdі bosandyryp júrse, tańǵalmaımyn. Saltty beker burmaladyń. Kіndіk atasy degenі nesі, neshe túrlіnі shyǵarady. Qoshemetke laıyqty adam tapqan ekensіńder», - dep jazdy olar.

Keıіn Tіleýhan sábıdіń atyn azan shaqyryp, «Asanálі» dep qoıyp beredі.