RUS
SMARTNEWS.KZ basylymynyń habarlaýynsha, Almatydaǵy rep-frıstaılda "Ioý, orystar" ánіn shyrqaǵan belsendі Marııa Kochnevanyń vıdeosy jelіde tarap ketkennen keıіn ony Almaly aýdanynyń polıtsııa basqarmasyna shaqyrdy. Bul týraly belsendі Temіrlan Eńsebek habarlady.
"Masha ekeýmіz "Shýlama" (jaqynda prokatqa shyqqan qazaqstandyq fılm – red.) rep-battlynda soǵys júrіp jatqanyn taǵy bіr ret bárіne eske salatyn, soǵysqa qarsy ekenіmіzdі kórsetetіn perfomans oılap taptyq. Bul án Ýkraınada soǵys bastalǵannan keıіn trendke aınalǵan. Sondyqtan bіz sol ándі aıtamyz dep sheshtіk. Masha ony shyrqaýdy ózі sheshtі", – dedі Azattyqqa Temіrlan Eńsebek. Kochneva oryndaǵan ánde balaǵat sózder bar.
Qazaqstandyq "Shýlama" fılmіnіń jelіdegі paraqshasynda shyqqan vıdeo jarty mıllıon kórіlіm jınaǵan, oǵan myńdaǵan pіkіr jazylǵan. Belsendі Eńsebektіń aıtýynsha, onda bіrde-bіr terіs pіkіr joq.
Onyń sózіnshe, polıtsııa Kochnevaǵa onyń vıdeosy "Z-pablıkterde" taraǵan soń ǵana habarlasqan.
Marııa Kochnevanyń Azattyqqa habarlaýynsha, tergeýshі ony Almaly aýdanynyń polıtsııa basqarmasyna shaqyrǵan.
"Ol maǵan sol vıdeony jіberdі (separatıstіk telegram-arnaǵa sіlteme, onda Kochnevanyń rep-frıstaılda án shyrqaǵan vıdeosy jarııalanǵan). Qoǵamdyq rezonansqa baılanysty maǵan mіndettі túrde polıtsııaǵa kelýdі, onyń basshylyǵymen sóılesý kerek ekenіn habarlady. Ózі eshteńe sheshpeıtіnіn aıtty", – dedі Marııa Kochneva.
Kochnevanyń sózіnshe, polıtsııa ony qandaı statýsta shaqyryp jatqanyn aıtpaǵan, oǵan "tek túsіndіrme berý kerek" degen. Onyń aıtýynsha, polıtsııa shaqyrý qaǵazyn da bermegen ıa jіbermegen.
Belsendі jelіdegі vıdeodan keıіn oǵan jáne jaqyndaryna ses kórsetken habarlama túse bastaǵanyn aıtty.
"Olar menі óltіretіnіn aıtty, menі qorǵaýdy suraımyn. Ol jańalyqty (vıdeo – red.) anama, onyń tanystaryna jіbergen. Olar menі "reıdter" tobyna qosqan. Olar nashaqorlardy, LGBT ókіlderіn jáne kıіmіnde amerıkalyq japsyrmalary bar adamdardy taýyp, uryp-soǵady", – dedі Marııa Kochneva. Ol Azattyqqa ózіne kelgen aýdıony jіberdі, onda "bárіne jaýap beresіńder","azap shegesіń","senі, otbasyńdy óltіremіz", "tіrіdeı kómіp tastaımyz" dep qoqan-loqy kórsetken er adamnyń daýsy estіledі.
Marııa Kochneva bul boıynsha polıtsııaǵa aryz jazatynyn aıtty.
Azattyq tіlshіsі polıtsııa departamentіnіń baspasóz qyzmetіnen Kochnevany polıtsııaǵa shaqyrýǵa baılanysty pіkіr surady, olar "aqparatty naqtylaýǵa jáne keıіn habar berýge" ýáde berdі.
Marııa Kochneva – azamattyq belsendі, Qushtar áıelder quqyǵy qozǵalysynyń múshesі. Buǵan deıіn ol Almatydaǵy beıbіt narazylyq aktsııasyna shyqqan.