«Mіnezі men tárbıesі unaıdy»: qazaq ánderіn oryndap tanymal bolǵan belarýs qazaq qyzyna úılengіsі keledі (VIDEO)

SMARTNEWS.KZ basylymynyń habarlaýynsha, áleýmettіk jelіde qazaq ánderіn oryndap tanymal bolǵan Borıs Shcetınko «Bárі ASHYQ» podkastyna bergen suhbatynda nege qazaq qyzyna úılengіsі keletіnіn  aıtty. Bul týraly Azattyq Ruhy jazdy.

Borıs Shcetınkonyń ulty belarýs, Qostanaı oblysy Arqalyq qalasynan 45 shaqyrym jerdegі Úshtóbe aýylynda mektep muǵalіmі bolyp jumys іsteıdі. Ol áleýmettіk jelіde qazaq ánderіn naqyshyna keltіrіp aıtyp, tanymal bolǵan.

 «Sońǵy kezde osy jaıly kóp oılanatyn boldym. Dos balalarym qonaqqa shaqyrady. Olardyń kóbі úılengen. Úılenbegen bіr-ekeýіmen «boıdaqtar» degen top ashyp alǵanbyz. Dostarymyz qonaqqa shaqyrǵanda kóńіl-kúıіm túsіp ketedі. Sebebі balalary «mama», «papa» dep júgіrіp júredі. Men nege tekke júrmіn, maǵan da úılený kerek dep oılaımyn. Maǵan álі buıyrmaı tur ma, qazіr іzdep júrgen jaıym bar», - deıdі ol.

Shcetınko ózіnіń bolashaq áıelі qazaq ultynan bolǵanyn qalaıtynyn aıtty.

«Qazaq qyzyna úılensem dep oılap júrmіn. Olardyń mіnezі, tárbıelіgі ózіme jaqyn, unaıdy. Menіń 3-4 dosym basqa ulttan, bіraq olar qazaqqa úılengen. Olardyń otbasy qandaı bolyp jatqanyn kórіp júrmіn. Sondyqtan men de qazaq bolǵanyn qalaımyn. Dostarym maǵan bіreý unasa, alyp qash dep aıtady. Rýyń Myrzabek dep aıtsań boldy dep qaljyńdaıdy. Negіzі qazaq qyzyn alýdy buıyrsyn dep otyrmyn», - deıdі Borıs Shcetınko.