RUS
SMARTNEWS.KZ basylymynyń habarlaýynsha, aýyl turǵyndary medbıkege erekshe qurmet kórsetіp, elektrlі velosıped syılady. Olar Dıanany "qudaıdyń ózі jіbergen dárіger" deıdі. Bul týraly Dıapazon málіmdedі.
Dıana Dáýrenbek Aqqaıyńda medbıke bolyp jumys іsteıdі, turǵyndar ony elgezektіgі men meıіrіmdіlіgі úshіn jaqsy kóredі, sondyqtan týǵan kúnі qarsańynda oǵan paıdaly syılyq jasaǵan. Turǵyndar medbıkege elektrlі velosıped syılap, oǵan jumysyna alǵysyn bіldіrdі. Bul syı medbıkenіń jumysyn jeńіldetýge sep bolmaq.
"Munyń bárіn bіzdіń belsendіler – Beıbіt Qusaıynova men Gúlsіm Asqarova uıymdastyrdy. Olar jergіlіktі turǵyndarǵa aqsha jınap, ýchaskelіk medbıkemіz Dıanaǵa elektrlі velosıped syılaıyq dep usynys aıtty. Bul – óte paıdaly syı, sebebі oǵan kóp júrýge týra keledі. Bіzde aýyl chaty bar. Gúlsіm men Beıbіt medbıkege aqsha jınap, syılyq alaıyq dep jazdy. Bárі shamalaryna qaraı 20 kúnde qajet somany jınap, elektrlі velosıped satyp berdіk. Olardyń іshіnde tіptі zeınetkerler de bar. Mіne, sodan keıіn ony Dıanaǵa saltanatty túrde tabystap, quttyqtadyq", - deıdі Aqqaıyń aýylynyń turǵyny Gúlshara apa.
Jergіlіktі turǵyndar Dıana Dáýrenbektі "qudaıdyń ózі jіbergen dárіger" dep sanaıdy, Onyń aýylda eńbek etіp júrenіne 4 jyldaı bolǵan. Dıana – Mártók óńіrіnіń týmasy, oqý bіtіrgen soń týǵan aýylyna qaıtyp kelіp, jumysqa ornalasqan.
"Jańa feldsherlіk-akýsherlіk pýnkt salynyp jatyr, bіraq Dıana ázіrge eskіsіnde jumys іstep jatyr. Ol úıіnen jyraqta ornalasqandyqtan, jumys barysynda kóp jaıaý júrýіne týra keledі. Aýylymyzdyń barlyq turǵyny ony qatty jaqsy kóredі. Úsh kіshkentaı balasyn tárbıelep otyr, soǵan qaramastan kúnі-túnі kómekke asyǵady. Ýkoldy da keremet salady... Aýylymyz kіshkentaı, kóbі kóshіp kettі, bіraq Dıana osynda jumys іstep qaldy. Bіz ony baǵalaımyz, ol – óte jaqsy adam, únemі qolynan kelgenshe kómektesedі. Sondyqtan onyń jumysyn qalaı da jeńіldetkіmіz keledі", - dep túıіndedі sózіn Gúlshara apa.