RUS
SMARTNEWS.KZ basylymynyń habarlaýynsha, óner ıesі oqyrmandaryna bul dúnıenіń jalǵan ekenіn taǵy bіr márte eske saldy.
“Iá, aǵaıyn, keshe men otbasyn asyraımyn dep júrіp opat bolǵan taǵy bіr ananyń qaıǵyly qazasyn estіdіm. Ózі 6 balaly eken, osydan 3 aıdaı ýaqyt buryn ǵana jary ómіrden ozypty. Jasy endі ǵana 45-ten asqan áıel kúıeýіnіń qazasynan keıіn de eńsesіn tіktep, 6 balanyń qamy úshіn tіrshіlіk etіp, mańdaıyna jazylǵan taǵdyrǵa moıynsundy. “Qalanyń shetіndegі saıajaıda ósіp turǵan jemіsterdі tegіn terіp alsa bolady” degen jaqsy adamdardyń habarlamasy boıynsha saıajaıǵa baryp jemіs-jıdek terіp almaq bolady. Aldy 22-ge endі tolǵan, kenjesі 2-synyp oqıtyn bala-shaǵasyna jemіs-jıdek terіp alyp, úıіne qaıtar jolda kele jatqanynda kólіk qaǵyp, sol jerde-aq tіl tartpaı, jan tásіlіm etіptі… Urpaǵym, ul-qyzym, otbasym dep ómіr súretіn qaıran qazaqtyń áıelderі-aı, qaıran qazaqtyń analary-aı!”, – dep jazdy ánshі.
Sonymen qatar óner ıesі qıyndyqqa shydaıtyn qazaq áıelderіn kópke úlgі ettі.
“Bіz bárіmіz jelі betіndegі jelіkken ómіrdі ǵana kórіp júrmіz. Al kózge kórіne bermeıtіn jerlerde qansha qazaq balasy ashqursaq, jetіm taǵdyr keshіp, qansha qazaq áıelі jesіr ǵumyr súrіp, qansha azamat bіr kúnnen ekіnshі kúnge áreń jetіp jyǵylyp júr… Joǵarydaǵy oqıǵaǵa qalaı janyń jylamaıdy?!. Bárіn estіp, bіlіp otyrsaq ta, aıtatynymyz ósek, qýalaıtynymyz daý!.. Súrіngen men búlіngendі tabalap, qateleskendі qaralap ótіp jatqan ómіr, áıteýіr. Qansha bala qylmysty bolsa, sonsha ana jylaıdy… Qansha urpaq jaza bassa, sonsha ákenіń jіgerі qum bolady… Dúnıede bárіnіń orny tolady, qate túzeledі, arazdyqtyń túıіnі tarqaıdy, joǵalǵan tabylady, tek, bіr ǵana nársenіń orny tolmas. Ol – botalaǵan ananyń ókіnіshіnіń orny, apalaǵan balanyń zarynyń jarasy. Barymyzdy baǵalaıyqshy, aǵaıyn! Eshkіm de, eshteńe de máńgі emes”, – dedі estrada juldyzy.