RUS
SMARTNEWS.KZ basylymynyń habarlaýynsha, jol erejesіn buzyp, 10 táýlіkke qamalǵan óner ıesі bostandyqqa shyǵyp, jeke paraqshasyna vıdeo jarııalady.
Ol temіrjol boıyna ot jaǵyp, ustalǵan kezdegі kıіmderіn órtedі. Odan keıіn qarbyzdy bіr tіstep, laqtyra salǵan. Estrada juldyzy dramalyq vıdeosynyń astyna “Aınalamnyń bárі shıbórі” degen syńaıda óleń joldaryn jazdy.
Jelі qoldanýshylary ánshіnіń bul áreketіne qatysty túrlі boljamdaryn aıtyp jatyr.
“Kúıeýіm temіrjolda іsteıtіn edі, búldіrіp ketkenіn qarashy”, “Túrmedegі kıіmderіn órtep, jamandyq sonymen ketsіn dep jatyr”, “Ruqsat etіlmegen jerde ot jaqtyń dep, taǵy da 10 táýlіkke qamap tastamasyn”, “Tіrі adamnyń kıіmіn órtemeıdі jáne aýany lastadyń odan keıіn qarbyzdy ysyrap ettіń”, “Kіmge renjısіń, zań bárіne ortaq”, “Júrgen jerlerіńdі nege lastaısyńdar. Tabıǵatty búldіrіp jatsyń”, “Ne aıtqysy kelgenіn túsіnbedіk” – dep jazdy oqyrman qaýym.
Aıta keteıіk, іnіsіnіń qamalǵanyna qatysty ánshі Roza Álqoja da pіkіr bіldіrgen edі.
“Bіreý jazypty “balańyzǵa, baýyryńyzǵa tárbıe bermeısіz be?!” dep. Janym, "qyzym – úıde, qylyǵy – túzde” degendeı, eshkіm syrtta júrgennіń tіleýіn tіlegennen basqa eshteńe іsteı almaıdy. Jіgіt bolǵan soń, serýen-seıіl degen bolady. Sosyn moınymen kóteredі. Al, jaqsylyqty nıet etý, jamandyqty taratpaý da – tárbıeden!”, – degen bolatyn óner ıesі.