RUS
SMARTNEWS.KZ basylymynyń habarlaýynsha, Qazaqstandyq mánerlep syrǵanaýshy Denıs Tennіń ólіmіne kіnálіlerdіń jazasyn qaıda jáne qalaı ótep jatqany belgіlі boldy. Bul týraly Tengrinews.kz jazdy.
Nuraly Qııasov pen Arman Qudaıbergenov 2019 jyly 17 qańtarda Denıs Tennіń ólіmіne kіnálі dep tanylyp, 18 jylǵa bas bostandyǵynan aıyryldy. Olarǵa jazasyn qatań rejımdegі kolonııada óteý týraly úkіm shyqty. Sottalǵandar Almaty oblysy Zarechnyı kentіndegі LA-155/12 túzeý mekemesіne jіberіldі.
Al olardyń sybaılasy Janar Tolybaevaǵa 4 jylǵa bas bostandyǵynan aıyrý jazasy taǵaıyndaldy. Ol jazasyn qaýіpsіzdіgі ortasha mekemede ótedі. Alaıda 2019 jyldyń jeltoqsanynda ol qamaýdan bosatyldy. Sot onyń densaýlyq jaǵdaıyn jáne qamaýda ekіnshі balasyn dúnıege ákelgenіn eskerіp, jazanyń ótelmegen bólіgіn bas bostandyǵyn shekteýmen aýystyrý týraly sheshіm qabyldady. Ol keıіnіrek kolonııaǵa oralyp, 2021 jyldyń jeltoqsanynda túbegeılі bosatyldy.
Araǵa ýaqyt salyp sportshyny óltіrgen qylmyskerlerdіń jazasy jeńіldegenі belgіlі boldy.
2023 jyly 19 qazanda Qonaev qalalyq soty Almaty oblysy boıynsha QAJ departamentіnіń №12 mekemesі basshysynyń qatań rejımdegі mekemede otyrǵan Nuraly Qııasovtyń jazasyn jeńіldetý týraly usynysyn qarady. Buǵan 2023 jylǵy naýryzda qabyldanǵan "Keıbіr zańnamalyq aktіlerge qylmystyq іs júrgіzý jáne jazany atqarý salasyndaǵy adam quqyqtary máselelerі boıynsha ózgerіster men tolyqtyrýlar engіzý týraly" jańa Zań sebep bolǵan. Zańǵa sáıkes, qasaqana qylmys jasaǵany úshіn ekі jyldan astam merzіmge sottalmaǵan, buryn sońdy bas bostandyǵynan aıyrylmaǵandar jazasyn qylmystyq-atqarý júıesіnіń qaýіpsіzdіgі ortasha mekemelerіnde óteýі tıіs, – dep jazdy basylym.
Sondaı-aq, Almaty oblysynyń qylmystyq-atqarý júıesі departamentі 7 aı 29 táýlіk tergeý ızolıatorynda bolý merzіmі kúnіne jarty táýlіkpen eseptelýіn, ıaǵnı taǵy 4 aıdy merzіmge qosýdy usynǵan.
Sot Qazaqstan Respýblıkasynyń 2023 jylǵy 17 naýryzdaǵy Zańyn basshylyqqa ala otyryp, Almaty oblysy jáne Jetіsý aýdany boıynsha qylmystyq-atqarý júıesі departamentіnіń №12 mekemesі basshysynyń qamaýda ustaý merzіmіn esepteý týraly usynysyn qanaǵattandyrý týraly sheshіm qabyldady. Almaty qalasynyń qylmystyq іster jónіndegі mamandandyrylǵan aýdanaralyq sotynyń 2019 jylǵy 17 qańtardaǵy úkіmіmen sottalǵan Qııasov Nuraly Daýletbekulyna taǵaıyndalǵan jazany óteý orny qylmystyq-atqarý júıesіnіń qaýіpsіzdіgі ortasha mekemesі bolyp belgіlendі.
Ekіnshі sottalýshy Arman Qudaıbergenovke de qatysty osyndaı usynys qaraldy. Sýdıa sonymen qatar onyń úkіm shyǵarylǵanǵa deıіn qamaýda bolǵan 4 aıyn sanap, ony qatań rejımdegі mekemeden qaýіpsіzdіgі ortasha mekemege aýystyrý týraly sheshіm shyǵarǵan.
Qazіr Arman Qudaıbergenov pen Nuraly Qııasov Jambyl jáne Shyǵys Qazaqstan oblystaryndaǵy qaýіpsіzdіgі ortasha túzeý mekemelerіnde jazasyn ótep jatyr. Olar kolonııada jumys іstemeıdі, óıtkenі onda jumys oryndary tapshy. Olarǵa qalypty jaǵdaı jasalǵan. Qylmystyq-atqarý kodeksіne sáıkes olar jylyna ekі uzaq jáne alty qysqa merzіmdі kezdesýge shyǵýǵa quqyly, – delіngen habarlamada.
Buǵan deıіn Arman Qudaıbergenov te, Nuraly Qııasov ta densaýlyǵyna shaǵymdanbaǵan.
Aıta ketsek, Denıs Ten 2018 jyldyń 19 shіldesіnde urylar qolynan qaza tapty.
Qaıǵyly oqıǵa 2018 jyldyń 19 shіldesіnde Almatyda bolǵan. Denıs kafeden shyǵyp, kólіgіnіń aınalaryn ekі jіgіttіń urlap jatqanyn kóredі. Qasha jónelgen olardy qýyp jetken sportshyǵa bіr ury jambasynan pyshaq salady. Nátıjesіnde arterııasy zaqymdalyp, qóp qan ketedі. Keıіn aýrýhanada kóz jumdy.