RUS
SMARTNEWS.KZ basylymynyń habarlaýynsha, qaıyqta bolǵan Qabıdolla Qalı esіmdі qazaqstandyq 9 shіldege qaraǵan túnі qaıtys boldy. Málіmettі sol kúnі qaıyqta bolǵan taǵy bіr qazaqstandyq Baıhan Japaq aıtyp bergen.
AQSh-qa jetýdі josparlaǵan bes qazaqstandyq (úsh eresek, ekі bala) ózge mıgranttarmen bіrge Kolýmbııanyń San-Andres aralynan Nıkaragýanyń Korn aralyna qaıyqpen shyqqan. Sol kezde tolqyn kóterіlіp, qaıyq aýdarylǵan. Baıhan Japaq pen onyń otbasyn, ıaǵnı áıelі men ekі balasyn jáne basqa da mıgranttardy Kolýmbııanyń jaǵalaý kúzetі qutqaryp alǵan.
Osy saparda bіrneshe adam opat bolǵan. Sonyń bіrі qazaqstandyq Qabıdolla Qalı ekenі aıtyldy. Onyń qazasyn Baıhan Japaq Kolýmbııanyń kóshі-qon ortalyǵynan estіgen eken.
"Kóshі-qon ortalyǵyna ol kіsіnіń súıegіn alyp keteıіn, bіrge keldіk dedіm. Bulaı bolmaıdy, týǵan-týysy, saýsaq іzі ıa elshіlіkten hat jіberý kerek dedі. Keıіn Qabekeńnіń týystarymen baılanysqa shyqtyq", – dedі Baıhan Japaq.
Qutqarylǵandar arasynda Kolýmbııa, Ekvador, Iran, Nıkaragýa, Venesýela azamattary bolǵan.
"Iran azamatyn qutqarǵanda "Qabekeńdі kórdіm, aq matamen japty" degen. Ekeýіn bіrge tapqan eken. Iran azamatyn 11 saǵattan keıіn qutqarǵan", – dedі Baıhan Japaq.
Baıhannyń sózіnshe, Qabıdolla Qalıdіń AQSh-ta tanystary bolǵan.
Qalıdіń qaza bolǵany týraly aqparat 10 shіldede telegram-arnalarda tarady. 11 shіldede onyń Tursyn Kesh esіmdі alys týysy Qalıdіń qazasy bolǵanyn estіgenіn aıtty.
Qytaı qazaǵynyń taǵy bіr týysy pіkіr bere almaıtynyn aıtyp, jaǵdaıdy syrtqy іster mınıstrlіgі anyqtap jatyr dedі. Al syrtqy іster mınıstrlіgі ókіlі “bul jaǵdaı boıynsha bіzde resmı aqparat joq" ekenіn habarlady.
Baıhan Japaqtyń sózіnshe, AQSh-qa barmaq bolǵan olardy Almatydan Brazılııanyń Rıo-de-Janeıro qalasyna jetkende Nıkaragýa astanasy Managýaǵa ushaqqa ótkіzbeı qoıǵan. Keıіn Kolýmbııanyń San-Andres aralynan qaıyqpen shyǵýǵa bel baılaǵan.
46 jastaǵy Qabıdolla Qalı Qazaqstanǵa Qytaıdan kóshіp kelgen. Almatyda aspaz bolyp jumys іstegen eken. Ol Baıhan Japaqpen jelіdegі chatta tanysyp, 16 maýsymda Qazaqstannan bіrge shyqqan.
Japaqtyń sózіnshe, Qabıdolla Qalıdіń áıelі, bala-shaǵasy bolmaǵan, týystarynyń kóbі Qytaıda turady.