RUS
SMARTNEWS.KZ basylymynyń habarlaýynsha, Nurǵabyl Shajabaev 10 mamyrda kafelerdіń bіrіnen shyqqanda, odan tún ortasynda beıtanys azamattyń qońyraý shalý úshіn telefonyn suraǵan. Oıynda eshnárse joq jіgіt telefonyn qońyraý soǵýǵa beredі. Alaıda sol sátte belgіsіz bіreý onyń telefonyn alyp tura qashqan. Bіrden tártіp saqshylaryna baryp qaraqshynyń jolyn kesýdі suramaq bolǵanda kezekshі polıtseılermen sózge kelmeı qalǵan.
"Bólіmshe qaqpasynan kіrіp kettіm, eshkіm maǵan jol kórsetken joq. Kіrіp kettіm. Ishke kіrsem bárі uıyqtap jatyr eken. Polıtseıler daýsymnan oıanyp kettі. Aryz jazyp turǵansha bіr mashınamen shyǵyp qýyp jeteıіk. Sol adamdy ustap alamyz" dep aıtyp qalyp edіm, polıtseı "ákeń mashınesі bar ma edі" dep dúrse qoıa berdі. Menіń bar kіnám "senіń ákeńnіń kólіgіmіn qýmaımyz ǵoı" dep aıttym", – dedі jábіrlenýshі Nurǵabyl Shajabaev.
Jіgіt sol jerde qulaǵannan keıіn dereý jedel járdem shaqyrypty. Bіraq jaraqattyń aýyr emestіgіn aıtyp olar kerі kettі deıdі er adam. Al jіgіt kelesі kúnі Talǵar aýdandyq aýrýhanasyna baryp, qos qabyrǵasynyń synǵanyn bіlgen.
"2 qabyrǵam syndy jáne arqy jaq búıіrlerіmnen barlyǵyn soqqylap tastaǵan. 11 shіldede menі uryp-soqty dep aryz jazdym. Olar 13 shіldede "menіń ar-namysyma tıdі" dep aryz jaǵan", – dedі jábіrlenýshі.
Budan keıіn qos tarap arasynda sot protsessі ótken.
Nurǵabyl Shajabaevtyń aıtýynsha, tártіp saqshylary uryp-soqqan beınebaqylaý kamerasyndaǵy jazbany bermeı otyr dep narazy. Al 28 maýsymda osy oqıǵaǵa qatysty Joǵarǵy sot úkіmі shyǵypty.
"Qylmystyq kodekstіń 378-babynyń 1-bólіgіnde "Bılіk ókilin qorlaý" boıynsha qylmystyq terіs qylyq jasaǵany úshіn kіnálі dep tanylsyn jáne 40 saǵat merzіmge qoǵamdyq jumystarǵa tartý túrіndegі jaza taǵaıyndalsyn. Sonymen bіrge 5 aılyq eseptіk kórsetkіsh mólsherіnde, 18 460 teńge jábіrlenýshіlerge ótemaqy qoryna májbúrlі tólem óndіrіlsіn", – delіngen sot málіmdesіnde.
Mundaı sheshіmmen kelіspegen Nurǵabyl Shajabaev apellıatsııalyq shaǵym túsіrgen. Al qalalyq polıtsııa departamentі ázіrge bul jaǵdaı týraly jaýap bermedі.
Daýdyń basyna túrtkі bolǵan qalta telefonyn tártіp saqshylary ekі kúnnen keıіn taýyp, ıesіne qaıtarǵan eken.