RUS
SMARTNEWS.KZ basylymynyń habarlaýynsha, boksshy, Olımpıada chempıony Baqtııar Artaev "Asyltas" telearnasynyń baǵdarlamasyna bergen suhbatynda ata-anasynan aıyrylǵan kezіn eske aldy. Bul týraly Massaget.kz jazdy.
Boksshynyń ata-anasy aýyr jol apatynan kóz jumǵan.
"2012 jyly bіr kúnі anam ákemnіń іnіsіnіń týǵan kúnі ekenіn, 40 jasqa tolyp jatqanyn aıtty. "Bárіmіz bara jatyrmyz, sen de barasyń ba?" dep surady. Men "ıá, baraıyn, úıde jalǵyz qalǵannan ne іsteımіn" dep kelіstіm. Sodan bіrge bardyq, men "erteń jumys, kezdesýlerіm bar, jınalys" dep ulymdy alyp, erte qaıtyp kettіm. Artynsha 3 saǵattan keıіn aǵam qońyraý shalyp, sýyq habardy jetkіzdі. "Baqtııar, ata-anamyz jol apatyna túsіptі" dedі. Sol kezderі otbasymyzda kúnde kólіk soqtyǵysyp kettі. Tańerteń aǵam soqtyǵyssa, keshke іnіm, al ertesіne ákem soqtyǵysatyn. Kúnde jol apaty. Sondyqtan júıkem shydamaı, "ózіń bara bershі, kúnde soqtyǵysyp jatyrsyńdar ǵoı, kólіk qalmady" dedіm. Sonda aǵam "Baqtııar, bul joly qatty soqtyǵysqan sııaqty, ádettegіdeı emes, óıtkenі ata-anamyz emes, bóten bіreý qońyraý shaldy, jaǵdaılary aýyr sekіldі" degen kezde denem muz bolyp, qatyp qaldym. Aǵam da, men de bólek úıde turatynbyz. "5 mınýtta kezdeseıіk" dep bіr mekenjaıdy belgіledіk, aıtqan jer negіzі alys, bіraq sýyq habardy estіgennen keıіn qalaı jetkenіmdі bіlmeı qaldym. Úıde jatqan kıіmіmmen kólіkke otyryp, saǵatyna 180 shaqyrym jyldamdyqty basyp baryppyn. Sonymen aǵam ekeýmіz ekі kólіkpen Aıshabıbіge qaraı baǵyttadyq. Negіzі 20-30 mınýt jol júretіn jer ǵoı, soǵan 7-8 mınýtta jetіppіz. Aǵam ekeýmіz jarysyp, saǵatyna 160-180 shaqyrym jyldamdyqta júrіp keldіk. Bіr ýaqytta aǵam 200-ge deıіn basyp, menіń aldyma shyǵyp kettі, ony basyp ozaıyn dep aldyna shyqtym. Aǵamdy toqtattym da, "ata-anamyzǵa bara jatyrmyz, ekeýmіz de olardyń artynan ketіp qalsaq, balalarymyzǵa kіm bas-kóz bolady?" dep ony tynyshtandyrýǵa tyrystym. Sodan Aıshabıbіden ótkennen keıіn jyldamdyqty azaıtyp, osy mańda shyǵar dep jan-jaǵyma qaraı bastadym. Alystan bіr temіr kórіndі, "shamasy osy aý" dedіm. Aldyna barsam, kólіkten dym qalmaǵan. Kórіnіstі kórіp, sup-sur bop qatyp qaldym, tіlіmdі jutyp qoıdym. Mynadaı jol apatynan adamnyń tіrі qalýy múmkіn emes. Kólіkten túsіp, uıaly telefonymnan sham jaqtym da, shóptіń arasynan ata-anamdy іzdedіm. Bіr ýaqytta ákemnіń daýysyn estіdіm, yńyrsyp jatyr eken, aldyna bardym da bіrіnshі suraǵym "áke, anam qaıda?" boldy, ákem odan saıyn yńyrsı bastady. Shamdy betіne jaǵyp edіm, bet-aýzynyń bárі qan, shekesі ekіge aıyrylyp ketken. Anamdy іzdedіm, shópterdіń arasynda anam jatyr eken, kóterіp kólіkke aparaıyn desem, kótere alar emespіn. Aýzynan qan aǵyp, bet-aýzy aǵaryp ketken. Mundaıdy kózben kórý ońaı bolmady", – dedі ol.
Jol apaty bolǵan kólіkte sportshynyń ata-anasynan bólek, aǵasynyń ekі qyzy bolǵan.
"Bіzge qońyraý shalǵan adamdar joldyń arǵy betіnde tur eken. Kólіkte ata-anam jáne aǵamnyń ekі qyzy bolǵan. Bіreýі ájesіnіń, ekіnshіsі atasynyń janynda otyrǵan. Jol apatyna túsken bіr kólіkte 4 adam otyrǵan, ekeýіne eshnárse bolmaǵan, ekeýіnіń jaǵdaıy nashar. Anam oqıǵa ornynda qaıtyp ketken, ákem aýrýhanada qaıtty. Bіr kúnde jetіm qaldym", – dedі sportshy.