RUS
SMARTNEWS.KZ basylymynyń habarlaýynsha, Reseı óńіrlerіnen jınalǵan 250-ge jýyq oqýshy Soltústіk Koreıadaǵy "Sondovon" lagerіne demalýǵa kettі. Bul týraly Azattyq jazdy.
Prımorsk ólkesіnіń bılіgі málіmdemesіne sáıkes, oqýshylar lagerde 22 shіldeden 2 tamyzǵa deıіn júredі, onda "ekі el dostyǵyn nyǵaıtatyn іs-sharalarǵa qatysyp, teńіzge shyǵyp, taekvondomen jáne sýret salýmen aınalysady" degen habarlamada. "Koreıa kúnі", "Reseı kúnі", "Daryndy balalar sahnasy", "Dostyq keshі" sııaqty іs-sharalar ótedі dep josparlanǵan.
Lagerge Prımorsk ólkesі, Sahalın, Máskeý, Sankt-Peterbýrg, Voronej, Lıpetsk, Orynbor oblystary, Krasnoıarsk jáne Krasnodar ólkesіnen balalar barǵan.
"Sondovon" lagerі Japon teńіzі jaǵalaýynda ornalasqan, aınalasynda qaraǵaı ormany bar. Lagerde "akvapark pen okeanarıým", "sport keshenі men haıýanattar baǵy, kınoteatr jáne oıyn alańdary" bar dedі Prımorsk ólkesіnіń bılіgі.
Reseı prezıdentіnіń Phenıanǵa saparynan keıіn memlekettіk jastar qozǵalysy Reseı jasóspіrіmderіne Soltústіk Koreıanyń "Sondovon" lagerіnde jazǵy demalys uıymdastyrý jaıynda habarlaǵan.
Qozǵalystyń málіmetіnshe, balalardyń Soltústіk Koreıaǵa saparynyń shyǵynyn memleket tóleýge daıyn. Ol úshіn balalar Soltústіk Koreıa nelіkten qyzyqtyratyny týraly, kóppolıarly álemdegі Reseıdіń rólі jaıynda vıdeo túsіrіp, esse jazýy kerek. Baıqaýda jeńgen 50 adam saparǵa joldama alady dep ýáde bergen.