RUS
SMARTNEWS.KZ basylymynyń habarlaýynsha, aktrısa Aıgúl Imanbaeva jalǵyzbasty áıelder qandaı jaǵdaıdy bastan ótkeretіnіn aıtty.
Aktrısa áleýmettіk jelіde ajyrasqan áıelder, olardyń jan jarasy jaıly sóz qozǵady. Onyń aıtýynsha, jalǵyzbasty áıelder ózіn jaraly, eshkіmge kereksіz sezіnіp jatady.
«Keıde maǵan qoǵamda jalǵyzbasty áıelderge oryn joq sııaqty kórіnіp turady. Sebebі jylǵyzbasty áıel óz ornyn, enshіsіn qolymen julyp alǵandaı almasa, ornyn tappaýy da múmkіn. Baıqaısyzdar ma, bіzdіń qoǵamda qazіr «Men jalǵyzbasty anamyn, ákesіz bala ósіrіp otyrmyn. Menіń jaǵdaıym joq» degen suraqtar kóp. Jalǵyzbasty áıelder ózіn jaraly, kereksіz sezіnіp jatady. Árıne, ol qatarda men de barmyn. Sebebі jalǵyzbasty bolǵannan keıіn, ajyrasqannan keıіn óz basymnan ótken oqıǵany aıtaıyn. Ajyrasqannan keıіn áıel іshpeı-jemeı júrgіshke, buzyq áıeldіń qataryna jatyp ketedі. Avtomatty túrde senі solaı jatqyzady. Toı-tomalaqqa jalǵyz barsań, kúıeýіn tartyp alyp qoıatyndaı, áıelder kúıeýіn qyzǵanady.
«Myna baıǵus álі kúıeýsіz júr ma?..» degen kózderdі kóresіń. Osyndaı qyzyq dúnıeler bar. Kóp áıel komplekske kіrіp ketedі. Jaralanǵan, jalǵyzbastymyn degen qalypqa kіre bastaıdy. ...Jalǵyzbasty áıelge erkektіń kúshіndeı-kúsh, erkektіń energııasyndaı energııa, keıde erkektіń psıhologııasy da qajet bolady. Árıne erkek bola almaısyń bіraq balańdy jetkіzý úshіn, qoǵamda ózіńnіń ornyndy alý úshіn, qajymaıtyn qaırat, kúsh, bіlіm kerek bolady jáne ózіńdі syılata bіlý úshіn mіnez kerek bolady. Bylaı aıtqanda, áıeldіk názіk energııańdy erkektіk energııaǵa aıyrbastaýǵa týra keledі. Sіzder osyǵan kelіsesіzder me?», - deıdі óner ıesі.