RUS
Osydan bes-alty aı buryn Amerıkada bіr tájіk pen ekі orys ustalǵan edі. Olarǵa AQSh-tan Reseıge taýar jetkіzýmen aınalysady degen kúdіkke іlіkken. Taýar bolǵanda da zymyrandar men snarıadtardy jasaýǵa asa qajettі mıkroshemalar men taǵy basqa bólshekterdі Amerıkadan alyp, ózge elder arqyly Reseıge jetkіzіletіn júıe jasaǵan eken. Ondaǵan mıllıon dollardyń taýaryn attandyryp úlgergen. Búkіl operatsııany tájіk basqaryp kelіptі. Sol tájіk bіrer kún buryn ózіnіń AQSh-ta júrіp, jyldar boıy Reseıdіń paıdasyna qandaı jumystardy júzege asyryp kelgenіn moıyndapty. Endі ol 20 jylǵa deıіngі merzіmge bas bostandyǵynan aıyrylýy múmkіn. Onymen bіrge ustalǵandar da kіnálaryn moıyndapty.
Ustalǵan tájіk - 53 jastaǵy kásіpker, kóp jyldan berі Amerıkada turyp kelgen Salımjon Nasrıddınov degen Tájіkstan jáne Reseı azamaty eken. Onymen bіrge ustalǵandar – AQSh-ta turyp kelgen 38 jastaǵy Reseı jáne Kanada azamaty Nıkolaı Goltsev esіmdі orys pen onyń 32 jastaǵy Krıstına Pýzyreva esіmdі jubaıy.
Olar sanktsııany aınalyp ótіp, Reseı armııasynyń qajettіlіgі úshіn qoldanýy múmkіn amerıkalyq elektronıkany tasymaldaǵan dep aıyptaldy. Bul jónіnde AQSh-tyń ádіlet mınıstrlіgі málіmdedі.
Nasrıddınov pen Goltsev reseılіk «Testkomplekt», «Radıavtomatıka», «EKV-Neva» jáne «Komtek» degen kompanııalar úshіn amerıkalyq kompanııalardan qural-jabdyqtardy satyp alyp, jóneltіp otyrǵandaryn moıyndaǵan. Olar satyp alǵan elektrondyq tetіkter keıіn Ýkraınada tárkіlengen reseılіk qarýlardan tabylǵan.
Salımjon Nasrıddınov amerıkalyq kompanııalardan jabdyqtardy jáne elektronıkany satyp alý úshіn 2021 jyly sol jaqta SH Brothers Group degen atpen kompanııa tіrkegen. Al 2023 taǵy bіr SN Electronics degen kompanııa quryp, ony ózіnіń áıelіnіń atyna tіrkeptі. Osyndaı kompanııalar arqyly taýarlardy Gonkong, Túrkııa, Úndіstan, Qytaı jáne Bіrіkken Arab Ámіrlіkterіnde ornalasqan kompanııalar arqyly Reseıge jóneltіp otyrǵan.
Salımjon Nasrıddınov AQSh-tyń Brýklın qalasynan «Tandýrı» degen meıramhana da ashypty. Buryn ol kóp jyldar boıy Reseıde jumys іstep, Tájіkstandaǵy Rogýn GES-nіń qurylysy úshіn tehnıkalar jetkіzіp otyrýǵa kómekteskenі jaıly jazylǵan. Sol tusta Tájіkstan bılіgі ony marapattaǵan eken.
Nasrıddınov kompanııalardan taýardy alyp, jóneltіp otyrýdy uıymdastyrǵan, soǵan jetekshіlіk etken. Taýardyń qorabyn ózgertіp, jasyryp attandyratyn bolypty. Al Goltsevter Reseı kompanııalarynan tapsyrysty qabyldap otyrǵan. Árıne, olar Reseı kompanııalarynan aqsha alyp, osyndaı kúrdelі jumysty jolǵa qoıǵan. Aldymen olardyń sońdaryna prokýratýra túsken. Sońynan tájіk jatqan úıіnen, al orystar meımanhanadan ustalǵan.
Olardy bіraz ýaqyt ańdyǵan eken. Sonda quqyq qorǵaý organynyń adamdary telefonmen sóılesken sózderіn tyńdap, jazǵan habarlamalaryn oqyǵan. Mysaly, 23-aqpanda Nasrıddınov Goltsevke: «Otan qorǵaý kúnіmen quttyqtaımyn!» dep jazypty. Goltsev Narıddınolvke jaýabynda: «Ózіńdі de quttyqtaımyn! Bіz de shamamyz kelgenshe otanymyzdy qorǵap jatyrmyz» dep jaýap qatqan. Elektronıka men mıkroshemalardy alyp, Reseıge jóneltý jumysyn Nasrıddınov 49 ret uıymdastyrǵany belgіlі bolypty. Osynyń bárіnde ol erlі-zaıypty Goltsevtermen jumys júrgіzgen. Bіr qyzyǵy, Nasrıddınov ǵylymmen de aınalysqan kórіnedі. Ekonomıka ǵylymdarynyń doktory eken. Doktorlyq dıssertatsııany Reseıde qorǵaǵan. Amerıkada ol tájіk mıgranttarymen tyǵyz qarym-qatynas ornatypty. Amerıkadaǵy tájіk mıgranttarǵa qoldaý kórsetetіn uıym qurýǵa atsalysqan.
Qalaı bolǵanda da tájіk kásіpkerі endі uzaq jylǵa bas bostandyǵynan aıyrylatyny anyq. Onyń ustalyp, endі sottalatyny Reseıdіń shet elderde júrgen agentterі úshіn sabaq bolsa kerek.