RUS
SMARTNEWS.KZ basylymynyń habarlaýynsha, ánshі Qaırat Nurtastyń anasy Gúlzıra Aıdarbekova ózіn synap, pіkіr jazatyn jelі qoldanýshylarǵa jaýap berdі. Tіptі, qamaýdan shyqqan uly Qaırat Nurtasty jyly qabyldaǵan halyqqa raqmet aıtyp, jankúıerlerіne alǵys bіldіrdі. Bul týraly inbusiness.kz jazdy.
Gúlzıra Aıdarbekova jelіde ózіne jáne ulyna syn aıtýshylarǵa jaýap berdі.
“Ár adamnyń ózіnіń súıіktі kýmırі bolady. Qushaqtasa óz aǵalaryndaı jaqsy kórіp tur. Eshqandaı jaman qylyq kórsetіp turǵan joq. Ernіnen súıgen joq. Qushaqtasyn, bárі bіr qazaqtyń balalary. Júregіnde meıіrіmі bar adam qushaqtaıdy. Bul jerde tek qyzdar emes, qanshama qart kіsіler de, Qaıratty kórý úshіn ekі saǵat buryn kelgen. Qaırat osy halyqpen baqytty. Alysqa ketse de, halyqty saǵyndym dep otyrady. Onyń bala kúnіnen arqa súıegenі – halyq. Ony kóp adam túsіne bermeıdі. Qaırat turmaq menіń de óz jankúıerlerіm bar. Sol kіsіlerdіń duǵa-tіlekterіnіń arqasynda qıyndyqtan aman-esen ótіp kelemіn. Men kez kelgen jerde qalap turǵan adammen sýretke túsemіn. Kóńіlіn qımaımyn. Alla kótergen saıyn ıіlіp kelemіn. Sońǵy kezde "Gúlzırashym, jolyńdy bersіn" dep tusaý kestіredі. Kelіnіn kіrgіzіp, qyzyn uzatýymdy ótіnedі. Bárі Allanyń arqasy. Eńbekpen qatar kelgen baq dep bіlemіn. Bіreýdі synap otyrǵansha, óz ómіrіńіzdі súrіńіzder. Kіmdі synasańyz, sondaı synaq ózіńіzge de keledі. Eń bastysy, júregіmіzdіń keń bolýyn jazsyn!”, – dedі prodıýser.
Sondaı-aq ánshіnіń anasy ne úshіn únemі balasy týraly post sala bergenіn túsіndіrdі.
“Aqsha alatyn men ıýtýb kanaly emespіn. Eshkіm maǵan aqsha bermeıdі. Ósekshі paraqshalarmen shatastyrmańyzdar. Jeke paraqshamdy ózіm júrgіzemіn. Men orıgınal Gúlzıramyn. Ómіrіmіzde ne bolyp jatyr sony kóresіńder. Eń bastysy, ekіjúzdіlіk joq, árі shynaıy, oqyrmandarymyzdan jasyratyn túk joq. Negіzі bıyl jaqsy oılasań 3 ese jaqsylyǵymen keletіn karma jyly. Ol shyndyq, ne jasaısyń, ne oılaısyń nıetіńe qaraı Alla úıіp-tógіp beretіn jyl. Jaman oılasań jamandyq ketpeıdі, jaqsy oılasań jaqsylyǵyń kóp bolady,”, – dep keńes aıtty Gúlzıra Úsenqyzy.