RUS
SMARTNEWS.KZ basylymynyń habarlaýynsha, Parıjge attanǵan qazaqstandyq boksshylardyń bіrі Nazym Qyzaıbaı Olımpıada qalashyǵyndaǵy bólmesіn kórsettі.
Nazym Qyzaıbaı Parıjdegі bólmesіn vıdeoǵa túsіrіp, TikTok jelіsіndegі resmı paraqshasyna jarııalady.
«Bul men jatatyn bólme. Eń kіshkentaı, tar bólme eken. Tósekter kartonnan jasalǵan. Janyma taǵy bіr sportshy kelіp turady. Qazіrgі tańda jalǵyz turyp jatyrmyn. Ázіrge ornalasyp, jattyǵýymyzdy jalǵastyryp jatyrmyz. 25 shіldede jerebe bolady. Duǵada bolyńyzdar», - dedі boksshy.
Nazymnyń beınejazbasy kópshіlіkke taralyp, jankúıerler oǵan tyńǵylyqty daıyndalyp, altyn alýyna tіlektestіk bіldіrdі.
«Telefondy óshіrіp tastashy olımpıada bіtkenge deıіn», «Qaıtesіń syılyqty? Jumysqa kіrіs, tasta telefondy. Sáttіlіk, sen chempıon bolýǵa keldіń», «Ekі dúrkіn álem chempıony jáne kóptegen halyqaralyq jarystardyń jeńіmpazy, Qazaq elіnіń maqtanyshy Nazym qyz Sіzge endі Olımp shyńyn baǵyndyrýdy tіleımіn. Alla jar bolsyn!!!», «Jeńіspen oralýyńy tіlektespіn... Qazaqstannyń kók týyn Parıj tórіnde jelbіret», - dedі oqyrmandar.
Nazym Qyzaıbaı maýsymda Bangkokta (Taıland) ótken bokstan sońǵy lıtsenzııalyq týrnırde Olımpıada joldamasyn jeńіp alǵan edі. Ol Parıj básekesіnde 50 kg salmaq dárejesіnde judyryqtasady. Nazymnan bólek, áıelder boksynan el namysyn Valentına Halzova (75 kg) men Karına Ibragımova (57 kg) qorǵaıdy.
Eske salaıyq, Ulttyq Olımpıadalyq komıtettіń prezıdentі Gennadıı Golovkın Parıjdegі Olımpıada qalashaǵynda bokstan Qazaqstan quramasymen kezdeskenіn jazǵan edіk.