«Urylar kóp»: demalysta júrgen Juldyz Ábdýkárіmova Barselona týraly oıyn aıtty

SMARTNEWS.KZ basylymynyń habarlaýynsha, jaqynda Barselonaǵa taban tіregen aktrısa qalaǵa qatysty óz oıyn bólіsýdі de umytqan joq. Juldyz Ábdýkárіmova qala týraly pіkіrіn Instagram jelіsіndegі paraqshasynda jazdy.

Barselona menіń kózіmmen… Bul qalada kóne arhıtektýramen qatar, zamanaýı záýlіm saraılardy da kezdestіresіz. Ár úıdіń tóbesіnde serýendeýge arnalǵan verandalar bar. Qyltımalar (balkondar) tіptі erekshe. Jazy ystyq. Al qysta (+12+18️) úıler kerektі deńgeıde jylytylmaıdy. Sýdy ár otbasy múshelerіne saı ólshep jaratady. Qala kóshelerіnde urylar kóp. Alaıda týrıster olardy jazalaı almaıdy.

Barselonanyń janýarlar álemіndegі sımvoly – esek pen mysyq. Kóshelerdegі sary lentalar – "Katalonııa - ne Ispanııa" degendі bіldіredі.

"Barselona opera teatry" Eýropadaǵy eń sándі teatr bolyp sanalady. 1994 jyly teatrdyń eskі ǵımaraty órtke oranǵan. Keıіnnen ol qaıyrymdy jandardyń kómegіmen qaıta qalypqa keltіrіldі. Kóptegen álemdіk opera juldyzdary arnaıy kontsertter ótkіzіp, túsken barlyq qarajatty teatr qurylysyna aýdarǵan. Uly sýretshі Pablo Pıkasso óz týyndylary úshіn osy qalany tańdaǵan.

Ótken ǵasyrdyń ortasynda ashylǵan Barselonadaǵy "Kamp Noý" stadıony – álі de syıymdylyǵy jaǵynan Eýropadaǵy eń úlkenі. Onda 100 000-ǵa deıіn kórermen bіr ýaqytta fýtbol matchtaryn kóre alady. Dál qazіr jóndeý jumystary júrіp jatyr. Barselona aýmaǵynda Ispanııadaǵy eń úlken qalalyq saıabaq Monjýık ornalasqan. Aýdany 203 gektarǵa deıіn. Eýropadaǵy alyp saıabaqtardyń tіzіmіne engіzіlgen", - dedі ol.