RUS
SMARTNEWS.KZ basylymynyń habarlaýynsha, Aınur Tursynbaeva uly tulǵalardyń ólіmіnen mysal keltіrіp, sózdіń kıesі týraly sóz ettі.
«Sózdіń kıesі bar. Qyrshynynan qıylǵan Denıs Tennen "sportta qaı jasqa deıіn júresіń?" dep suraǵanda, "25 jasqa deıіn" dep jaýap bergen. Onyń 25 ke jetpeı qaza tapqany esterіńіzde shyǵar...
Orazaly Dosbosynov degen alapat aqyn dosym kóbіnese sózdі:
"Atym Oraz bolǵanmen,
Otyzdan jasym aspaǵan,
Iegіn saqal jappaǵan.
Súıіnbaımyn, Jambylmyn,
Tańjyryqpyn, Sharǵynmyn" dep bastaıtyn...Shynynda jasy otyzdan aspady, nebárі 29 jasynda jaryq dúnıemen qosh aıtysyp kete berdі. Keıіn Oraldan Asylbek Isshcanov degen aqyn bala shyqty. Sol bala ózіnіń eń sońǵy aıtysynda:
"Bіr kúnde bes aqynmen,
Aıtysyp bárіn jeńetіn,
Orazalynyń jolyn ber" dep jyrlaǵan eken. Arada kóp ýaqyt ótpeı jap-jas Asylbek týra Orazaly aǵasy qusap jol apatynan qaza tapty.Ataqty Jánіbek Kármenovtyń keremet termesі bar, sol termenіń іshіnde "Jalǵyz shyqpa saparǵa, ókіnіshte qalarsyń" degen joldar bar.. Sol Jánіbek aǵamyzdyn jolǵa jalǵyz shyǵyp ketіp júregі toqtap qalyp, jol apatyna ushyrap qaıtys bolǵanyn bіreý bіlіp, bіreý bіlmes...
Ataqty Muqaǵalıdyń da:
"Uıyqtap ketsem bolǵany tósegіmde,
Qyryqtyń beseýіnde" degen óleńі bar.. Aqıyq aqyn shynynda 45 jasynda dúnıeden ótken edі», - dep jazdy Aınur Tursynbaeva.
Sondaı-aq ol hadısten mysal keltіrgen.
«Bіz kóbіnese sózge mán bermeı jatamyz. Ásіrese, ashýlansaq, balalarǵa uryssaq artyq ketіp qalamyz. "Óstіp júrіp bіr bálege urynasyń, sýyq tıіp ólesіń, oqýdan shyǵaryp jіberedі, adam bolmaısyń, eneńnen taıaq jeısіń, basyńdy asyraı almaısyń" degen sııaqty artyq sózderdі aıtyp jіberemіz. Islamda "jaqsy sóz sóıle, bolmasa úndeme" degen xadıs bar. Endeshe jaqsy oılap, tek qana jaqsy sóz sóılep úıreneıіk. Sonda bárі de jaqsy bolady!», - dedі ol.