RUS
SMARTNEWS.KZ basylymynyń habarlaýynsha, Baǵlan Ábdіraıymov kólіgіn órteýge qatysty vıdeo jarııalady. Osylaısha óner ıesі Instagram jelіsіndegі paraqshasynda kópshіlіkke prank jasady.
Jaqynda jańa fılmіn taspalaǵan ánshі bіrneshe kólіk pen aqshalaı syılyq oınatyp jatyr. Bіrneshe aıǵa sozylǵan bul naýqanǵa qatysatyn halyq qarasy da az emes. Kúnі keshe ánshі osy baıqaý aıasynda kólіgіn órteýge qatysty vıdeo jarııalady. Onda Baǵlan Ábdіraıymovtyń KIA markaly temіr tulparǵa janarmaıǵa uqsas suıyqtyq quıyp jatqanyn baıqaýǵa bolady. Sálden soń óner ıesі munyń ázіl ekenіn aıtady.
«Dostar, avtokólіktі órtep jіberedі dep oıladyńyzdar ma? Joq, bіz amanatqa qııanat jasamaımyz. Dál osy kólіktі erteń sіzderge syılaımyz jáne taǵy ekі avtokólіgіmіz bar. 30 adamnyń 100 myń teńgeden qaryzyn jabamyz degen nıettemіz. Tek kıno kórgen kórermen úshіn ǵana», - dedі ol.
Muny kórgen kópshіlіk Baǵlan Ábdіraıymovtyń áreketіne shúılіktі.
«Ne bolyp kettіńder?», «Bul kіsі de 18 táýlіkke baryp kelgіsі kelіp júrgen sııaqty», «Atyń shyqpasa, jer órte deýshі edі ata–babamyz», «Nege bіr-bіrіńnen kórgenіńdі jasaısyńdar?», «Bul erke bozbalanyń tіrlіgі ǵoı, órteme», - dep jazdy jurt.
Pіkіr jazǵandardyń arasynan Ábdіjappar Álqoja da tabyldy.
«Alataý aýdany ákіmdіgі aıyppul salady. Báke, baıqańyz. Ot jaqqandy kórdіk. Aıyppulyn tólep, túsіnіkteme jazdyq», - dedі ánshі.
Aıta keteıіk, osyǵan deıіn Ábdіjappar Álqoja qamaýda jatqanda kıgen kıіmіn órtegen edі.