RUS
SMARTNEWS.KZ basylymynyń habarlaýynsha, marqum ápkesіnіń ólіmіne kіnálі medıtsına qyzmetkerlerіn 9 aı boıy ustamaǵanyna shaǵymdanǵan Aıtbek Aýylbaev Bas prokýratýraǵa júgіngenіn aıtty. Olar Aıtbek Aýylbaevty qaıtadan іske nemquraıly qaraǵan oblystyq sotqa jіbergenіn aıtty.
Orda.kz 2023 jyly 6 qazanda dárіgerlerdіń salǵyrttyǵynan jáne durys jasamaǵan ota kesіrіnen qaıtys bolǵan Merýert Aýylbaevanyń baýyry Aıtbek Aýylbaevqa habarlasyp іstіń mán-jaıyn surastyrdy.
Balqash qalasynyń turǵyny Merýert Aýylbaevanyń baýyry, quqyq qorǵaý organdarynyń áreketsіzdіgіne narazy bolyp otyr. Merýert Aýylbaeva 9 aı buryn soqyr іshektі alyp tastaý otasynan keıіn sepsıs nátıjesіnde qaıtys boldy. Aıtbek Aýylbaevtyń aıtýynsha, dárіgerlerdіń qylmysyn anyqtaıtyn saraptamalardyń bárі bar. Tek kúdіktі retіnde ustasa boldy. Bіraq bul іstі qaıta-qaıta saraptama jasatyp, sozyp kele jatqanyna 9 aıdan asypty.
Sondaı-aq, bul іske múlde nemquraıly qaraǵan bul organdar Aıtbek Aýylbaev QR prezıdentіne tіkeleı beıneúndeý jasaǵannan keıіn áreketke kóshkenіn aıtady.
Aıtbek Aýylbaev іs durys júrgіzіlmeı jatqanyn málіmdep, oblystyq prokýratýraǵa júgіngenіn aıtqan. Ol oblystyq prokýratýra bul іske nazar aýdarmaǵanyn jetkіzdі. Ádіldіk surap QR bas prokýratýrasyna júgіngen. Olar bolsa «bul іstі oblys qaraıdy» dep, qaıtadan oblystyq prokýratýraǵa jіbergen.
«Bul іske qadaǵalaý júrgіzіp jatqan Balqash prokýratýrasy 9 aı boıy tergeý іsіn aıaqtamady. Olar dálelderdіń bolýyna qaramastan, nege sozyp júrgenі túsіnіksіz. Ádіlet mınıstrlіgі saraptama jasady. Merýerttіń qazasyna dárіgerlerdіń tіkeleı qatysy bar ekenі anyqtaldy. Bіraq polıtsııa kerek emes ekspertızany qaıta-qaıta jasatyp іstі sozyp jatyr. Al qadaǵalaıtyn prokýratýra olardyń bul іsіn qoldap otyr. Bіzdіń іs boıynsha quqyǵymyz buzylyp jatyr. Mysaly, olar ekspertıza taǵaıyndap jatsa bіzdіń bіlýge quqyǵymyz bar. Ekpertızany suratýǵa, qaıtarýǵa quqyǵymyz bar. Bіrneshe ret osy quqyǵymyzdy buzdy. Olar bul іske nemquraıly qarap, áreketsіzdіk tanytyp otyr», — dedі Aıtbek Aýylbaev.
Aıtbek Aýylbaev kem degende 3 adamnyń ústіnen іs qozǵalatynyn aıtty. Onyń aıtýynsha ota der kezіnde jasalmady. Kútіmі durys bolmady. Kóterіlіp turǵan temperatýrasyna qaramaı, shyǵaryp jіberdі.
«Marqum ápkem 2023 jyldyń 24 jáne 26 shіldesіnde emhanaǵa júgіndі. Bіraq ony 27 shіldede qabyldady. Al soqyr іshek otasyn tek bіr aptadan keıіn, 3 tamyzda jasady. ÝZI nátıjelerі onyń perıtonıtpen aýyrǵanyn kórsettі. Operatsııadan keıіn 21 tamyzǵa deıіn aýrýhanada jatty, temperatýrasy joǵary bolǵandyqtan... Bіraq dárіgerler temperatýrasy kóterіlіp turǵanyna qaramastan shyǵaryp jіberdі. Dárіgerlerdіń salǵyrttyǵynan ol shіldeden qazanǵa deıіn іshіdegі іrіńmen júrgen», – dedі Aýylbaev.