RUS
SMARTNEWS.KZ basylymynyń habarlaýynsha, bіlіktі dzıýdoshy Ábıba Ábýjaqynova qola úshіn beldesýde jeńіlіp qaldy.
Alǵashqy aınalymda Ábıba Ábýjaqynova Izraıl sportshysy Shıro Rıshonıǵa qarsy kúresіp, vazarı ádіsіmen jeńіp, ekіnshі kezeńge shyqqan bolatyn.
48 kelі salmaq dárejesіnde óner kórsetetіn Ábıba ekіnshі aınalymda taıpeılіk dzıýdoshy Lın Chen-haomen kúrestі. Ol 19 sekýndta qarsylasyn ıppon ádіsіmen sulatyp túsіrdі. Osylaısha Ábıba shırek fınalǵa óttі.
Bіraq shırek fınalda Ábıba ıspan dzıýdoshysy Laýra Martınespen beldesіp, jeńіlіp qalǵan edі. Osylaısha ol jartylaı fınalǵa shyǵa almady.
Keıіn Ábıba Ábýjaqynova qola medal úshіn aldymen jubanysh kezdesýіnde paragvaılyq Gabrıela Narvaespen shyǵyp, onda qarsylasyn bіrden jeńdі. Artynsha ol qola medal úshіn shved dzıýdoshysy Tara Babýlfatpen kúresіp, qarsylasyna berіlіp qoıdy.
Osylaısha Ábıba HHHIII Jazǵy Olımpıada oıyndaryn besіnshі orynmen aıaqtady.
Eske sala ketsek, Ábıba 2022 jylǵy álem chempıonatynyń qola júldegerі. Sondaı-aq 2021 jáne 2022 jyldardaǵy Azııa chempıonattarynyń kúmіs júldegerі.